Áhersla á áframhaldandi þjónustuaukningu

- eins mikið og kostur er og í takt við þarfir samfélagsins, segir í bókun bæjarstjórnar

20.September'21 | 14:07
20210918_160209

Herjólfur er þjóðvegur íbúa og er mikilvægt að hann sé opinn enda vel yfir 95% af öllum farþegaflutningum, allir bílar og stór hluti flutningar á vörum er með Herjólfi, segir m.a. í bókun bæjarstjórnar. Ljósmynd/TMS

Bæjarstjórn leggur áfram mikla áherslu á að haldið verði áfram að bæta þjónustuna eins mikið og kostur er og í takt við þarfir samfélagsins. Þetta kemur fram í niðurlagi bókunar bæjarstjórnar Vestmannaeyja.

Á fundi bæjarstjórnar var greint frá fundi bæjarfulltrúa með fulltrúum stjórnar og framkvæmdastjóra Herjólfs ohf. sem fram fór á undan fundi bæjarstjórnar á fimmtudaginn var.

Þar var farið var yfir stöðu félagsins. Nýr samningur og fjölgun farþega miðað við árið í fyrra gerir það að verkum að áætlanir fyrir þetta ár eru að standast. Þó er nokkuð í land að ná þeim farþegafjölda sem var 2019.

Reksturinn erfiður en horfir vonandi til betri vegar með auknum farþegafjölda

Í sameiginlegri bókun allra bæjarfulltrúa segir að samgöngur séu lífæð samfélagsins og mikilvægt að þær séu sem bestar. Herjólfur er þjóðvegur íbúa og er mikilvægt að hann sé opinn enda vel yfir 95% af öllum farþegaflutningum, allir bílar og stór hluti flutningar á vörum er með Herjólfi. Rekstur Herjólfs ohf. hefur verið erfiður en nú horfir vonandi til betri vegar með auknum farþegafjölda. Á þessu ári hefur reksturinn gengið samkvæmt áætlun og er unnið samkvæmt þeim samningi sem samþykktur var í desember 2020. Öllum má vera ljóst að samgöngur til Vestmannaeyja eru afar mikilvægar allt árið, bæjarstjórn leggur áfram mikla áherslu á að haldið verði áfram að bæta þjónustuna eins mikið og kostur er og í takt við þarfir samfélagsins.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.