Haustbragur yfir veiðunum

Bergey landaði sl. sunnudag og aftur sl. miðvikudag og Vestmannaey landaði sl. mánudag og aftur í gær. Veiðin hefur verið þokkaleg hjá skipunum og þau hafa landað þétt til að tryggja vinnsluhúsum hráefni.

Haft er eftir Arnari Richardssyni, rekstrarstjóra Bergs-Hugins á vef Síldarvinnslunnar að haustbragur sé yfir veiðunum og farið að bera á brælum eftir einmunatíð í allt sumar fyrir austan. Segir hann að gert sé ráð fyrir að skipin landi í Vestmannaeyjum eftir helgina.