Eftir Guðbrand Einarsson

Almannahagsmunir ofar sérhagsmunum

15.September'21 | 07:00
Gudbrandur

Guðbrandur Einarsson

Viðreisn er flokkur sem margir virðast hafa skoðanir á, sérstaklega þeir sem óttast að Viðreisn taki fylgi frá þeim. Fólk frá vinstri talar oft um Viðreisn sem litla Sjálfstæðisflokkinn og þeir sem kenndir eru við hægrið tala oft um Viðreisn sem systurflokk Samfylkingar.

Hægt er að staðsetja Viðreisn einhvers staðar á milli þessara flokka enda heitir flokkurinn í höfuðið á þeirri ríkisstjórn sem kom til leiðar mikilvægum breytingum á íslensku samfélagi m.a. með inngöngu í EFTA. Rétt eins og gamla Viðreisn kom á kerfisbreytingum á sínum tíma er það markmið nýju Viðreisnar að standa að slíkum kerfisbreytingum á samfélagi nútímans, burtséð frá hugtökum um hægri eða vinstri.

Viðreisn ruggar bátnum

Það er greinilegt að margir eru farnir að óttast velgengni Viðreisnar þessa dagana og nefndi sjónvarpsstjóri nokkur það í pistli nýverið að Viðreisn stæði fyrir það eitt að vilja ganga í ESB og tók fyrrverandi formaður og ráðherra Framsóknarflokksins undir þessa skoðun sjónvarpsstjórans.

Þó að Viðreisn telji það til hagsbóta fyrir íslenskt samfélag að óskað verði eftir inngöngu í ESB fer því fjarri að Viðreisn sé og verði eins máls flokkur. Viðreisn er nú að ganga í gegnum sínar þriðju kosningar og allt útlit fyrir að staða flokksins muni styrkjast verulega. Það staðfestir að margir eru orðnir þreyttir klæðlitlum loforðum um bættan hag og styðja þess í stað vilja Viðreisnar til kerfisbreytinga sem munu bæta íslenskt samfélag til lengri tíma. Undirritun viljayfirlýsinga, skóflustungur, borðaklippingar og innantóm loforð í aðdraganda kosninga eru hætt að virka.

Viðreisn í takti við samfélagið

Það er hægt að nefna marga bolta sem Viðreisn heldur á lofti sem staðfesta að Viðreisn er nútímalegur, frjálslyndur stjórmálaflokkur sem setur almannahagsmuni ofar sérhagsmunum.

Það eru allir að tala um biðlistana

Það eru allir að tala um stöðugleika

Það eru allir að tala um loftlagsmál

Það eru allir að tala um breytingar á fiskveiðistjórnunarkerfinu

Það eru allir að tala um breytingar á stjórnarskrá

Það eru allir að tala um geðheilbrigðismál

Það eru allir að tala um skelfileg vaxtakjör á Íslandi

 

Þetta staðfestir að hjarta Viðreisnar slær í takt við íslensku þjóðina.

 

Guðbrandur Einarsson

Höfundur skipar 1. sæti á lista Viðreisnar í Suðurkjördæmi í komandi alþingiskosningum.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).