Sjúkraþyrlan staðsett á suð-vesturhorni landsins?

10.September'21 | 10:59
gaeslan_eyjar_ads

Þó nokkuð er um að kalla þurfi til þyrlur Gæslunnar til að sinna sjúkraflugi milli lands og Eyja. Ljósmynd/Aðsend

Svandís Svavarsdóttir, heilbrigðisráðherra skrifaði grein á Vísi í gær undir fyrirsögninni „Öflugri heilbrigðisþjónusta á Suðurlandi”.

Helstu tíðindin úr grein ráðherra eru þau að stefnt er að því að hrinda í framkvæmd tilraunaverkefni um sjúkraþyrlu sem staðsett yrði á suð-vesturhorni landsins, vegna umfangs og fjölda útkalla á því svæði í gegnum tíðina, eins og það er orðað í greininni.

Orðrétt stendur:

„Einnig er stefnt að því að hrinda í framkvæmd tilraunaverkefni um sjúkraþyrlu sem staðsett yrði á suð-vesturhorni landsins, vegna umfangs og fjölda útkalla á því svæði í gegnum tíðina. Með sérhæfðri sjúkraþyrlu væri unnt að veita hraðari sérhæfða þjónustu við bráðveika og slasaða á vettvangi. Sjúkraþyrla er hugsuð sem viðbót við og styrking á sjúkrabílum og læknisþjónustu í dreifbýli.“

Verkefnið unnið í samstarfi við sveitarfélögin á Suðurlandi

Allt þar til í gær hefur verið talað um að slík þyrla yrði staðsett á Suðurlandi, og voru Vestmannaeyjar nefndar sem einn af álitlegum kostum.

Vilhjálmur Árnason, þingmaður Sjálfstæðisflokksins segir í samtali við Eyjar.net að hann hafi ekki heyrt af þessari breytingu sem ráðherra boðar nú. Hann segir að þetta verkefni sé m.a. hugsað til þess að koma í stað sjúkraflugs alla leið frá Akureyri, líkt og þetta er í dag. Vilhjálmur segir alveg ljóst að flest verkefnin séu á Suðurlandi fyrir slíka þyrlu. 

„Tilraunaverkefnið átti að sýna fram á það hvar hún yrði staðsett til framtíðar. Til að mynda sjáum við fyrir okkur að hún gæti verið staðsett á veturnar í Eyjum, á sumrin myndi vélin vera staðsett á Flúðum, eða hugsanlega á Hvolsvelli. Um leið og þú ert farinn að setja hana lengra en á Selfoss þá þarf hún að fara yfir fjallgarð sem er ekki gott.”

Vilhjálmur segir að slíkar þyrlur hafi fremur litla flugdrægni og því mikilvægt að þær þurfi ekki að fljúga lengi í útköllin. Hann stendur fastur á að vélin verði staðsett á Suðurlandi. „Þetta verkefni er unnið í samstarfi við sveitarfélögin á Suðurlandi. Takist þetta vel, er vel hugsanlegt að bætt verði við fleiri þyrlum víðar um landið.”

Ætlar þú að taka málið upp við ráðherra?

Ég mun fylgja þessu máli eftir og taka það upp við nýjan heilbrigðisráðherra, strax að loknum kosningum. 

 

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).