Grímur Gíslason skrifar:

10 mánaða vetur á þjóðveginum til Eyja!

Undarlegt rugl með áætlun Herjólfs

8.September'21 | 13:02
landey_herj_0620

Auknar og bættar samgöngur er lykillinn að frekari vexti hvar sem er og það á ekki síst við í Eyjum, skrifar greinarhöfundur. Ljósmynd/TMS

Vetraropnun tók gildi á þjóðveginum til Eyja 1. september sl. Þegar að tekin var í gagnið áætlun sem stjórnendur Herjólfs ohf. kalla vetraráætlun.

Svokölluð sumaráætlun hafði þá verið í gildi frá 1. júní eða í heila 3 mánuði. Það er óneitanlega svolítið sérstakt að sjá, það sem að ég vil kalla fornaldarhugsun, í verki og að horfið hafi verið frá því framfaraspori sem komið hafði verið á með að hafa eina áætlun í gildi allt árið og hætta þessu rugli með sumar og vetraráætlun.

Ein áætlun, með 7 ferðum á dag allt árið, lágmark

Herjólfur er þjóðvegurinn til Eyja og sá þjóðvegur á að vera opinn alla daga ársins, a.m.k. frá því snemma morguns og fram á nótt, helst allan sólarhringinn. Í nútíma samfélagi er annað bara ekki ásættanlegt og það að bjóða upp á það sem kallað er sumaráætlun með 7 ferðum á dag,  einungis frá 1. júní til 31. ágúst, er vægast sagt ótrúlegt.

Eitt af þeim markmiðum sem við höfðum, sem vorum í forystu fyrir að færa forræði á rekstri Herjólfs heim til Eyja, var að fjölga ferðum í amk. 7 ferðir á dag og sama áætlun væri í gildi allt árið. Þjóðvegurinn til Eyja ætti að vera með sömu opnun sama hvaða árstími væri, svo fremi að veður hamlaði ekki för. Með þetta var lagt upp og það náðist í gegn.

Óskiljanleg gamaldags hugsun með sumar- og vetraráætlun

Einhverra hluta vegna virðast núverandi stjórnendur Herjólfs ohf. ekki hafa haft  bein í nefinu til að halda í þann áfanga sem náðist og hafa horfið til þess að rugla með áætlun milli vetrar- og sumartíma og í þeirra huga ríkir vetur í Eyjum í 10 mánuði, sem er algjörlega óskiljanlegt.

Þegar Covid fárið skall á var einum þjóðvegi á landinu nánast lokað um hríð. Þjóðveginum til Eyja, þegar ferðum Herjólfs var fækkað verulega og í framhaldi af því var horfið frá 7 ferðum allt árið. Ríkið hefur komið til skjalanna og veitt milljörðum í alls konar styrki og bætur vegna Covid takmarkana og hvergi var dregið úr opnun þjóðvega, nema á leiðinni til Eyja. Þar var þjónustan skert verulega og svo virðist vera að hluti af þeirri skerðingu sé kominn til að vera, með svokallaðri vetraráætlun.

Óttalegur aumingjaskapur

Auknar og bættar samgöngur er lykillinn að frekari vexti hvar sem er og það á ekki síst við í Eyjum. Það er lítil framsýni og dugur í þeim sem eru tilbúnir að skera niður opnunartíma þjóðvegarins til Eyja. 7 ferðir á dag að lágmarki og ein áætlun, burt séð frá árstíð, er algjör lágmarkskrafa. Þeim áfanga var búið að ná og því er það óttalegur aumingjaskapur að geta ekki haldið því áfram.

Telst fækkun ferða, í boði meirihluta bæjarstjórnar, vera framsókn?

Fækkun ferða með Herjólfi telst vart til samgöngubóta og því er hjákátlegt að á sama tíma og fækkun ferða er tilkynnti þá séu einhverjir að berja sér á brjóst og skreyta sig fjöðrum fyrir Framsókn í samgöngum.

Fækkun ferða Herjólfs er bara óttalegur aumingjaskapur sem auðvitað er í boði meirihluta H og E lista bæjarstjórnar, sem fer með meirihluta í stjórn Herjólfs ohf.

 

Grímur Gíslason

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).