Með töluvert breytta stundatöflu frá því sem áður þekkist

26.Ágúst'21 | 16:19
hamarsskoli_0521

M.a. er lögð áhersla á hreyfingu fyrri part morguns í verkefninu. Ljósmynd/TMS

Á fundi fræðsluráðs Vestmannaeyja í gær kynnti Drífa Gunnarsdóttir, fræðslufulltrúi stöðuna á þróunar- og rannsóknarverkefninu Kveikjum neistann.

Verkefninu var formlega hleypt af stokkunum 17. ágúst sl. þar sem starfsdagur í GRV var helgaður verkefninu. Vinna í skólanum við undirbúning hefur þó staðið yfir í nokkurn tíma. Stofnuð hafa verið fimm teymi kennara miðað við áhersluþætti þróunarverkefnins og hófu teymin og umsjónarkennarar í 1. bekk undirbúning á vorönn með stuðningi frá fag- og fræðifólki m.a. á vegum HÍ og NTNU.

Foreldrar nemenda í 1. bekk fengu kynningu á verkefninu á vorönn og stefnt er að frekari kynningum og fræðslu á næstunni. Nemendur í 1. bekk eru með töluvert breytta stundatöflu frá því sem áður þekkist þar sem m.a. lögð er áhersla á hreyfingu fyrri part morguns, lestur, stærðfræði og náttúrufræði. Nemendur fá síðan áskorun miðað við færni í sérstökum þjálfunartímum sem eru um hádegisbil og síðan taka ástríðutímar við.

Rannsóknarsetur um menntun og hugarfar hefur verið stofnað og er það með aðsetur við Menntavísindasvið. Ráðinn hefur verið einn doktorsnemi við setrið sem mun sinna rannsóknarhlutanum og til stendur að ráða annan á næstunni. Að auki hefur verið ráðinn verkefnastjóri í 30% stöðu sem mun m.a. sjá um utanumhald verkefnis og miðlun hjá setrinu. Faghópur sem skipaður er starfsmönnum skólaskrifstofu, stjórnendum GRV og fulltrúum HÍ hefur umsjón með faglega hluta verkefnisins.

Fram kemur í afgreiðslu ráðsins að ljóst sé að verkefnið sé komið vel af stað og verður ánægjulegt að fylgjast frekar með framgangi þess á næstu mánuðum og árum.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Hlaðvarpsþættirnir eru aðgengilegir hér á Eyjar.net og einnig á helstu veitum, svo sem Spotify. Sjá nánar hér...

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á [email protected] og saman finnum við lausn sem hentar þér.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).