Smitaðir ferðamenn í Herjólfi

Greint er frá málinu á fréttavef Morgunblaðsins - mbl.is. Þar er haft eftir Herði Orra Grett­is­syni, fram­kvæmda­stjóra Herjólfs að það hafi verið farþegar í gær sem ferðuðust frá Land­eyja­höfn til Vest­manna­eyja sem fengu sím­tal eft­ir að þeir komu til Eyja um að þeir væru með já­kvæðar niður­stöður.

„Við fáum í raun og veru bara upp­lýs­ing­ar frá lög­regl­unni í Vest­manna­eyj­um sem ann­ast þessa rakn­ingu og feng­um leiðbein­ing­ar frá henni. Þessi hóp­ur fór síðan yfir í Land­eyja­höfn aft­ur og þau sátu í rútu inni á bíla­dekki.“

Hörður seg­ir að ákveðnar vinnu­regl­ur séu til taks ef svona lagað kem­ur upp og gripið var til þeirra. „Við feng­um síðan upp­lýs­ing­ar um hvernig við ætt­um að haga okk­ur og hvað við þyrft­um að gera frá rakn­ing­ar­t­eym­inu.“

Uppfært kl. 14.14:

Samkvæmt heimildum Eyjar.net fóru umræddir ferðamenn ekki frá borði í Eyjum, heldur fóru þeir strax til baka með næstu ferð Herjólfs frá Vestmannaeyjum.