Gagnkvæmur áhugi á að eldgosanna verði minnst með viðburðum

31.Júlí'21 | 12:57

Katrín Jakobsdóttir, forsætisráðherra og Íris Róbertsdóttir, bæjarstjóri. Ljósmynd/TMS

Á fundi bæjarráðs Vestmannaeyja í vikunni voru til umfjöllunar viðburðir árið 2023 í tilefni þess að 50 ár eru liðin frá Eldgosinu á Heimaey og 60 ár frá Surtseyjargosinu.

Fram kemur í fundargerðinni að þann 22. júní sl. hafi Katrín Jakobsdóttir, forsætisráðherra og Íris Róbertsdóttir, bæjarstjóri Vestmannaeyja fundað þar sem m.a. kom til umræðu gagnkvæmur áhugi á að skipuleggja viðburði í tilefni þeirra tímamóta að árið 2023 verða 50 og 60 ár liðin frá eldgosunum á Heimaey og í Surtsey.

Bæjarráð fól bæjarstjóra að halda áfram viðræðum við forsætisráðherra á þeim nótum sem kynnt var í bæjarráði.