Flugið vel nýtt í kringum stórar helgar og sérstaka viðburði

Fram kemur í fundargerð bæjarstjórnar að Icelandair hafi hafið flug á markaðslegum forsendum milli lands og Eyja í lok maí og hefur flogið tvö flug á dag fjórum sinnum í viku frá þeim tíma.

Flugið hefur verið vel nýtt í kringum stórar helgar og sérstaka viðburði, en nýting meðal heimamanna mætti vera betri og mikilvægt að Vestmannaeyingar nýti þennan samgöngumáta, til þess að hægt sé að reka flugsamgöngur á markaðslegum forsendum, segir í fundargerðinni.