Ingó stýrir Brekkusöngnum

2.Júlí'21 | 08:52

Ingó mun stýra Brekkusöngnum í ár. Ljósmynd/Gunnar Ingi

Ingó mun stýra Brekkusöngnum í ár en hann hefur stýrt einstakri stemningu í Herjólfsdal frá árinu 2013 og mega þjóðhátíðargestir því leyfa sér að hlakka extra mikið til.

Einnig stígur hann á svið á laugardagskvöldinu þar sem hann ásamt hljómsveit sinni flytur Takk fyrir mig, hið gríðarlega vinsæla þjóðhátíðarlag, því ekki gafst tækifæri til þess í fyrra.

Boðið verður upp á lifandi streymi í samvinnu við Senu live frá Brekkusöngnum í fyrsta skipti og geta landsmenn því upplifað Brekkusönginn heima í stofu í gegnum netið eða myndlykla Vodafone og Símans.

Þessu tengt: Brekkusöngur á Þjóðhátíð í beinu streymi

Emmsjé Gauti, Aldamótatónleikarnir, FM95Blö, DJ Muscleboy og Ingó skemmta á stóra sviðinu í ár ásamt því að fleiri listamenn verða staðfestir á næstu dögum.

Sjá einnig: Gamli Herjólfur í áætlun um Þjóðhátíð

Brugðist við gríðarlegri eftirspurn

Forsalan á Þjóðhátíð í Eyjum gengur gríðarlega vel og nú hefur Þjóðhátíðarnefnd brugðist við gríðarlegri eftirspurn með því að setja ferðir með gamla Herjólfi í sölu en hann mun sigla föstudag og mánudag á hátíðina í ár - í það minnsta tvær ferðir á föstudegi og þrjár á mánudegi - miðar í þessar ferðir fara í sölu á dalurinn.is þriðjudaginn 6.júlí kl.9:00. Gott fyrir áhugasama að vera klára á slaginu því síðast hrundi miðasölukerfið, segir í tilkynningu frá skipuleggjendum.

Meira frá Þjóðhátíð: Forsölu til félagsmanna ÍBV lýkur á miðnætti