Gamli Herjólfur í áætlun um Þjóðhátíð

1.Júlí'21 | 16:03

Herjólfur III mun fara í áætlun í kringum Þjóðhátíðina. Ljósmynd/TMS

„Vel er bókað í Herjólf á komandi vikum, Goslokin núna um helgina og mikil eftirspurn er eftir miðum um Verslunarmannahelgina.” segir Hörður Orri Grettisson, framkvæmdastjóri Herjólfs ohf. í samtali við Eyjar.net.

„Til að bregðast við eftirspurninni um Verslunarmannahelgina mun Herjólfur III sigla á föstudegi og mánudegi líkt og hann gerði 2019 til að aðstoða nýja skipið á mestu álagstímunum.” segir Hörður, en einnig hefur verið ákveðið að farþegaskipið Teista flytji þjóðhátíðargesti milli lands og Eyja á sömu dögum.

Þessu tengt: Teista flytur þjóðhátíðargesti milli lands og Eyja

Hann segir að Herjólfur III muni einungis flytja farþega í þessum ferðum, en enga bíla. „Þetta verður auglýst nánar á næstu dögum.” segir hann að lokum.