Framkvæmdaleyfi fyrir Zipline samþykkt

Fram kemur í fundargerðinni að Sindri Ólafsson sæki um framkvæmdaleyfi fyrir uppsetningu mannvirkja fyrir þrjár Zipline línur sem liggja á milli Háar og Skiphella. Öll fyrirhuguð mannvirki eru staðasett á svæði sem er skilgreint sem óbyggðir, utan hverfisverndað svæðis. Hrunhættumat hefur verið framkvæmt og samþykki fengið frá nálægum lóðarhöfum.

Sjá einnig: Skipulagsráð jákvætt fyrir Zipline ferðum

Ráðið samþykkti erindið. Fram kemur í afgreiðslu ráðsins að umsækjanda beri að vinna að merkingu gönguleiða og uppsetningu mannvirkja í samráði við starfsmenn umhverfis- og framkvæmdasviðs. Starfsmönnum umhverfis- og framkvæmdasviðs var falið að ganga frá samningi varðandi nýtingu svæðisins í samræmi við umræður á fundinum.