Mars mánuður aldrei eins góður hjá Herjólfi

6.Apríl'21 | 15:36
herj_farthegar

Rúmlega 15 þúsund farþegar ferðuðust með Herjólfi í síðasta mánuði. Ljósmynd/TMS

„Farþegaflutningar hafa verið góðir hjá Herjólfi það sem af er ári, þrátt fyrir samkomutakmarkanir.”

Þetta segir Hörður Orri Grettisson, framkvæmdastjóri Herjólfs ohf. í samtali við Eyjar.net. Að sögn Harðar Orra hefur einnig gengið vel að sigla til Landeyjahafnar þrátt fyrir að á tímabili hafi verið siglt eftir sjávarstöðu. 

Ef rýnt er í tölurnar má sjá að mars-metið féll í ár, þegar rúmlega 15 þúsund farþegar ferðuðust þá með ferjunni. Einnig voru fyrstu tveir mánuðirnir góðir þegar kemur að farþegaflutningum, líkt og sjá má hér að neðan.

Þá er athyglisvert að skoða frátafirnar það sem af er ári. En fyrstu þrír mánuðir ársins hafa oft verið erfiðustu mánuðir ársins m.t.t. veðurs og frátafir verið hvað mestar. Einungis voru tveir dagar á þessu tímabili sem ekkert náðist að sigla.

Upplýsingar/Herjólfur ohf.

 

Tags

Herjólfur

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.