Niðurstaða komin í færslu minnismerkis

Minnismerki verður fært innan svæðisins eins og samþykkt hafði verið

31.Mars'21 | 08:26
minnismerki_fridarh

Minnismerkið verður áfram inn í botni Friðarhafnar. Ljósmynd/TMS

Á fundi umhverfis- og skipulagsráðs Vestmannaeyja á mánudaginn var tekið fyrir frestað erindi er varðar staðsetningu minnismerkis Þórs í botni Friðarhafnar. Bæjarstjórn fól formanni umhverfis- og skipulagsráðs og skipulagsfulltrúa að ræða við bréfritara.

Bréf frá formanni Björgunarfélags Vestmannaeyja var sent til bæjaryfirvalda þann 18 janúar 2021.

Í niðurstöðu ráðsins segir að eins og fram komi í innsendu erindi er óskað eftir að fá flutning á minnismerki Þórs á lóð austan við Sjóbúð Björgunarfélagsins. Einnig kemur fram að Björgunarfélagið og lóðarhafi hafa gert með sér samkomulag um nýtingu á norð-austur hluta lóðarinnar fyrir merkið.

Ítrekað hefur verið við bréfritara að skriflegt samkomulag við lóðarhafa beri að skila til bæjaryfirvalda þar sem um er að ræða byggingarreit og lóðarhafi því að afsala sér byggingarrétti á umræddum reit. Ekki hefur verið brugðist við þessari ítrekun.

Ráðið getur ekki orðið við erindinu. Minnismerki verður fært innan svæðisins samkvæmt gildandi skipulagi, sem samþykkt var 2013.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.