Aukin framleiðslugeta og hraðari afhending bóluefna í Evrópu

- þetta á við um öll þrjú bóluefnin sem notkun er hafin á hérlendis

28.Mars'21 | 09:29
boluefni-covid

Fram kemur í frétt Lyfjastofnunnar að tilteknar aðgerðir og ákvarðanir stuðli að aukinni framleiðslugetu og hraðari afhendingu bóluefna í Evrópu.

Lyfjastofnun Evrópu (EMA) á í stöðugum samræðum við markaðsleyfishafa bóluefna gegn COVID-19 með aukna framleiðslugetu fyrir Evrópu að leiðarljósi. 

Stofnunin birti á föstudaginn frétt þess efnis að tilteknar aðgerðir og ákvarðanir stuðli að aukinni framleiðslugetu og hraðari afhendingu bóluefna í Evrópu.

Nýr framleiðslustaður bóluefnis AstraZeneca

Nýr framleiðslustaður hefur verið samþykktur fyrir bóluefnið í Leiden í Hollandi.  Þar verður virka efni bóluefnisins framleitt.

Nýr framleiðslustaður bóluefnis BioNTech/Pfizer ásamt sveigjanlegri geymsluskilyrðum þess í flutningi

Nýr framleiðslustaður hefur verið samþykktur fyrir bóluefnið í Marburg í Þýskalandi. Þar verður bæði virka efni bóluefnisins framleitt, sem og fullbúið bóluefni. Jafnframt hafa ný geymsluskilyrði verið samþykkt sem gera flutning bóluefnisins og dreifingu auðveldari.

Nýr framleiðslustaður bóluefnis Moderna ásamt breytingum í framleiðsluferli til að auka framleiðslugetu

Nýr framleiðslustaður hefur verið samþykktur fyrir bóluefnið í Visp í Sviss. Þar verður bæði virka efni bóluefnisins framleitt sem og fullbúið bóluefni. Jafnframt hafa breytingar á framleiðsluferli verið samþykktar sem munu stuðla að aukinni framleiðslugetu, segir í frétt á vef Lyfjastofnunar Íslands.

Tags

COVID-19

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.