Nýtt götukort af Vestmannaeyjum tekið í notkun

19.Mars'21 | 09:21
götukort1

Fulltrúar Ferðamálasamtaka Vestmannaeyja ásamt Írisi Róbertsdóttur, bæjarstjóra. Ljósmyndir/aðsendar.

Í gær afhentu Ferðamálasamtökin í Vestmannaeyjum Írisi Róbertsdóttur bæjarstjóra fyrsta einstak af nýju götukorti af eyjunni.

Kortið er teiknað af Ómari Smára Kristinssyni og eiginkona hans Nína Ivanova sá um umbrotið. Kortið er afar nákvæmt og eins og má sjá að þá er mikil teiknivinna á bakvið það. Hvert eitt og einasta hús er teiknað upp eftir ljósmyndum og gögnum.

Inn á kortinu má finna alla grunnþjónustu sem í boði er og á bakhliðinni eru þau fyritæki sem eru skráð í Ferðamálasamtök Vestmannaeyja, ásamt  siglingaráætlun Herjólfs og yfirlitsmynd af Vestmannaeyjum. Einnig eru þrjár gönguleiðir merktar inn á.

Hægt er að prenta út kortið í háum upplausnum og filma það á veggi eða glugga. En kortið býður uppá marga möguleika, t.d að búa til póstkort, plaggöt og aðra minjagripi.

Ferðamálasamtök Vestmanneyja hafa séð um ferlið á kortinu en vinnan við það hefur tekið eitt og hálft ár. Um er að ræða virkilega fallegt kort sem við erum ákaflega stolt af, segir í tilkynningu frá Ferðamálasamtökum Vestmannaeyja.

Hægt verður að nálgast kortið rafrænt með qr kóða inná heimasíðu ferðamálasamtakanna - visitvestmannaeyjar.is.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.