Eftir Ragnar Óskarsson

Hvernig væri?

5.Mars'21 | 15:47
Suður_ads

Ljósmynd/aðsend

Vinstrihreyfingin grænt framboð í Suðurkjördæmi mun viðhafa forval um 5 efstu sætin vegna framboðslista hreyfingarinnar til Alþingis 25. sept. í haust.  

Nú þegar hefur nokkur hópur fólks ákveðið að gefa kost á sér í forvalinu bæði til 5 efstu sætanna en einnig til annarra sæta á listanum. Það sýnir að töluverður áhugi er á því að skipa sæti á framboðslistanum.  Þetta er okkur í hreyfingunni mikið ánægjuefni.

Framboðsfrestur í 5 fyrstu sætin rennur út mánudaginn 8. mars og hér vil ég hvetja alla þá sem gætu haft huga á að taka þátt að bregðast skjótt við og tilkynna þátttöku í tölvupósti til kjörstjórnar í netfanginu sudur@vg.is. Einnig er hægt að bjóða sig fram í sæti 6 - 20 og þá er hægt að stinga upp á frambjóðanda með ábendingu til kjörstjórnar, sem leitar þá eftir samþykki þeirra sem bent hefur verið á. Frestur til þessa rennur út 21. apríl.

Öll þau sem áhuga hafa á að koma hugsjónum VG um kvenfrelsi, félagslegan jöfnuð, umhverfisvernd og friðarstefnu í framkvæmd eru hvött til að gefa kost á sér og taka þátt í forvalinu sem verður rafrænt í takt við nútímann dagana 10. – 12. apríl. Kjördæmisstjórn Suðurkjördæmis mun annast kynningu á frambjóðendum með sérstöku kynningarefni og fundum.

Til að kjósa í forvalinu þarf að:

- vera félagi í VG, það er gert með því að skrá sig á heimasíðu www.vg.is.

- til að fá að kjósa í forvalinu þarf að skrá sig fyrir 31. mars.

- vera með lögheimili í Suðurkjördæmi, eða skráður í VG félag í kjördæminu.

- eiga íslykil eða rafræn skilríki.

- Kosið er rafrænt á heimasíðu vg.is

Allar nánari upplýsingar veita:

Sæmundur Helgason, formaður kjörnefndar í Vg-Suður í síma 894-0524

eða Björg Eva Erlendsdóttir, framkvæmdastjóri Vg í síma 896-1222

gefa

Við hér í VG Vestmannaeyjum erum einnig að sjálfsögðu tilbúin að gefa allar nánari upplýsingar um forvalið og hreyfinguna. Hvernig væri að gerast svolítið Vinstri- græn?

           

Bestu kveðjur

Ragnar Óskarsson

formaður VG í Vestmannaeyjum

 

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).