Rúnar Kárason semur við ÍBV til þriggja ára

28.Febrúar'21 | 15:11
runar_kara_ibv_fb_cr

Rúnar Kárason. Ljósmynd/ÍBV

Handknattleiksdeild ÍBV hefur samið við Rúnar Kárason til þriggja ára. Hann mun ganga til liðs við ÍBV eftir yfirstandandi tímabil hjá liði hans Rise-Esbjerg HH í dönsku úrvalsdeildinni.

Rúnar er virkilega öflug örvhent skytta sem flestir handknattleiksáhugamenn ættu að kannast við. Hann er fæddur árið 1988, alinn upp hjá Fram í Safamýri en þar lék hann frá unga aldri þangað til hann hélt út í atvinnumennsku árið 2009. Á erlendri grundu hefur Rúnar leikið með Fusche Berlin, Bergischer HC, Grosswalstadt, Rhein Neckar Löwen, TSV Hannover-Burgdorf og nú síðast Rise-Esbjerg HH þar sem hann leikur í dag. Rúnar hefur átt flott tímabili með danska liðinu og hefur vakið mikla athygli fyrir framgöngu sína í Danaveldi.

Rúnar á að baki langan landsliðsferil en hann lék 100 leiki fyrir Íslands hönd og skoraði í þeim 243 mörk. Hann kemur til Eyja ásamt konu sinni Söru Sigurðardóttir og tveimur börnum þeirra.

Greint er frá þessu á facebook-síðu handknattleiksdeildar ÍBV. Þar segir að forráðamenn ÍBV séu mjög ánægðir með að hafa tryggt klúbbnum krafta Rúnars fyrir komandi ár, en gæði hans og reynsla munu styrkja liðið vel í átökunum í Olísdeild karla. Rúnar og fjölskylda eru boðin hjartanlega velkomin til Eyja og er tilhlökkun til samstarfsins.

Tags

ÍBV

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).