„Gengur yfir mig hvernig fyrirtæki og stofnanir ganga fram með uppsögnum“

24.Febrúar'21 | 13:58
raesta_spitala

Heilbrigðisstofnun Suðurlands hefur sagt upp starfsfólki frá og með 1. maí nk. en þá tekur fyrirtækið Sólar ehf. við ræstingunni.

„Fjöldi ríkisstofnana og sveitarfélög hafa notið aðstoðar Ríkiskaupa vegna útboða á ræstingu. Þetta er gert þrátt fyrir afar bágborðið atvinnuástand víða um land og sá hópur sem sinnir þessum störfum sjálfsagt berskjaldaðri og ver undir búin fyrir atvinnumissi á þessum tímum en nokkur annar hópur.”

Svona hóf Ásmundur Friðriksson ræðu sína í störfum þingsins á Alþingi í dag. 

Hann sagði það ekki mikið úthald eða mannúð af hálfu ríkisstofnanna og sveitarfélaga að segja upp starfsfólki í hagræðingarskyni þegar tugþúsundir landsmanna eru atvinnulausir vegna kórónuveirufaraldursins og engin störf í boði.

Á hvaða launum er starfsfólk verktakans?

„Heilbrigðisstofnun Suðurlands hefur sagt upp starfsfólki frá og með 1. maí nk. en þá tekur  fyrirtækið Sólar ehf. við ræstingunni og gott starfsfólk munstrað á galeyðu atvinnuleysis.

Það vekur athygli að tilboð fyrirtækisins hljóðar upp á 69.9 mkr. á ári þegar kostnaðurinn var 138 mkr. árið 2019 og 147 mkr. árið 2020.

Ég velti fyrir mér hvernig má ná þessum kostnaði niður um 50% með útboði og á hvaða launum er starfsfólk verktakans ef heilbrigðisstofnunin getur sparað 50% af kostnaði með útboði á verkefnum lægst launa starfsfólksins á stofnuninni.” 

Þessu tengt: Ískaldar kveðjur til starfsmanna Heilbrigðisstofnunnar Suðurlands

Kippa fótunum undan öðrum með þröngum eiginhagsmunum eða hagnaðarvon á tímum atvinnuleysis og covid-faraldurs

Ásmundur sagði þetta ekki það eina sem valdi honum áhyggjum í því atvinnuástandi sem er í landinu í dag.

„Á Suðurnesjum eru 25% atvinnuleysi og þúsundir atvinnulausir. Þrátt fyrir það hefur fiskvinnsla á svæðinu nýlega flutt inn 40 pólska starfsmenn til að vinna í fiski í stað þess að freista þess að fá starfsmenn af atvinnuleysiskrá á Suðurnesjum.

Getur verið að það sé vegna þess að fyrirtækið getur leigt farandverkafólki húsnæði og skjól í eigu þess sem ekki þarf fyrir starfsmenn sem búa á Suðurnesjum.

Það gengur yfir mig hvernig fyrirtæki og stofnanir ganga fram með uppsögnum gagnvart atvinnulausu fólki og kippa fótunum undan öðrum með þröngum eiginhagsmunum eða hagnaðarvon á tímum atvinnuleysis og covid-faraldurs.” sagði Ásmundur í ræðustól Alþingis í dag.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).