Funduðu með ráðuneytinu um næstu skref

22.Febrúar'21 | 15:07
joga_hraunbudir_cr

Óvissa ríkir um hver tekur við rekstri Hraunbúða þann 1. apríl nk. Ljósmynd/hraunbudir.is

Í byrjun febrúar auglýstu Sjúkratryggingar Íslands eftir viðræðum við aðila, fyrirtæki, félög eða stofnanir í þeim tilgangi að taka við rekstri Hraunbúða frá og með 1. apríl 2021.

Í svari frá Sjúkratryggingum Íslands til Eyjar.net í dag segir að því miður hafi ekki komið fram aðilar sem höfðu áhuga á rekstri Hraunbúða.

„Sjúkratryggingar Íslands hafa þegar fundað með ráðuneytinu um næstu skref varðandi málið og reikna með að niðurstaða þess samtals liggi fyrir á næstu dögum.” segir jafnframt í svarinu.

Funda með velferðanefnd Alþingis á morgun

Bæjarstjórar Vestmannaeyja, Hornafjarðar og Akureyrar munu funda með velferðarnefnd Alþingis á morgun vegna málsins, en fram kom á fundi bæjarráðs Vestmannaeyja í síðustu viku að bæjarráð ítreki kröfu um að þessari óvissu verði eytt án tafar vegna allra þeirra sem hlut eiga að máli þ.e. íbúa, aðstandenda og ekki síst starfsfólks sem á rétt á að njóta öryggis og fyrirsjáanleika í starfsumhverfi sínu.

Sjá einnig: Enginn sýndi áhuga á að reka Hraunbúðir

Seinagangur og ráðaleysi Sjúkratrygginga

Í ljósi stöðunnar í viðræðum við Sjúkratrygginga Íslands, hefur Vestmannaeyjabær ákveðið að leita sér sérhæfðrar lögfræðiaðstoðar um yfirfærsluna.

Ljóst er á bókun bæjarráðs að töluverð kergja er orðin í garð Sjúkratrygginga Íslands í málinu. Í bókuninni er lýst yfir miklum vonbrigðum með seinagang Sjúkratrygginga Íslands og tekur ráðið undir með bæjarstjórn Akureyrar að algjört ráðaleysi virðist ríkja innan SÍ um hvað gera skuli við hjúkrunarheimili í þeim sveitarfélögum sem hafa ákveðið að endurnýja ekki samninga um rekstur.

Nánar verður fjallað um málið á næstu dögum á Eyjar.net.

 

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Vilt þú ná til Eyjamanna?

17.Ágúst'19

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).