Fréttatilkynning:

Verðandi faðir skannaði inn vinning upp á 21 milljón

12.Febrúar'21 | 10:19
lotto

Konan sem hafði einhvern tímann heyrt að ágætt væri að kaupa lottómiða fjarri heimahögum ákvað að taka einn sjálfvalsmiða í Olís, Langatanga.

Ung hjón með eitt barn og annað í leiðinni duttu svo sannarlega í lukkupottinn þegar Lottómiðinn þeirra reyndist luma á óskiptum tvöföldum fyrsta vinningi.

Konan sem hafði einhvern tímann heyrt að ágætt væri að kaupa lottómiða fjarri heimahögum ákvað að taka einn sjálfvalsmiða í Olís, Langatanga þegar hún átti leið gegnum Mosfellsbæ.

Þegar hún lét svo fara yfir miðann eftir útdrátt fékk hún ábendingu um að koma sem fyrst á skrifstofu Íslenskrar getspár í Laugardal. Þetta þótti henni óþarfa umstang fyrir ólétta konu enda hafði hún rekið augun í það að seðlinum var ein röð með 3 rétta og slíkir vinningar eru alltaf greiddir út beint.

Þrír réttir breyttust í 21 milljón með skannanum

Maðurinn hennar prófaði hins vegar að skanna miðann inn í nýju útgáfu Lottóappsins og kom þá í ljós að auk þess að vera með þrjá rétta var önnur röð á seðlinum með allar fimm tölurnar réttar! Það varð því mikil gleði þegar unga fjölskyldan kom í Laugardalinn daginn eftir og ljóst að skanninn í Lottóappinu hafði sannað gildi sitt.

Þess má til gamans geta að örfáum dögum síðar kom annar stór vinningur á miða sem einnig var keyptur í Olís Langatanga, en í það skiptið var það í Vikinglotto.

Íslensk getspá óskar ungu fjölskyldunni innilega til hamingju með stóra vinninginn.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.