Gengið til samninga við Líkamsræktarstöðina um leigu á líkamsræktarsal

Á fundi fjölskyldu- og tómstundaráðs í gær var kynnt niðurstaða verðtilboða í umrædda leigu. Fram kemur í afgreiðslu ráðsins að framkvæmdastjóri sviðs hafi farið yfir verðtilboðin í leigu á líkamsræktarsal Íþróttamiðstöðvar.

Alls bárust þrjú tilboð í leiguna. GYM heilsa, bræðurnir Gunnlaugur Örn/Jón Þór og Líkamsræktarstöðinni ehf. sendu inn tilboð. Tilboðin voru metin út frá þremur þáttum, þ.e. verðtilboði í leigu (50% vægi), verð árskorta (40% vægi) og tilboð í umsýslukostnað vegna sölu árskorta (10% vægi).

Líkamsræktarstöðin ehf. reyndist með hæsta vægi umræddra þátta, og samþykkti ráðið að gengið verði til samninga við Líkamsræktarstöðina ehf. um leigu á umræddum sal til næstu þriggja ára frá 1. júní nk.

Líkamsræktarstöðin ehf. hefur verið með salinn í Íþróttamiðstöðinni á leigu undanfarin ár. En fyrirtækið rekur líkamsræktarstöðina Hressó.