Fresta afgreiðslu deiliskipulags

22.Janúar'21 | 17:08
20201020_091702

Til stendur að byggja fjölbýlishús á Sólhlíð. Ljósmynd/TMS

Þrjú bréf bárust umhverfis- og skipulagsráði Vestmannaeyja vegna deiliskipulags austurbæjar við miðbæ, sem nú er í vinnslu. Málið var tekið fyrir á fundi ráðsins í gær, fimmtudag.

Fram kemur í fundargerðinni að lögð hafi verið fram að nýju að lokinni auglýsingu, tillaga af deiliskipulagi fyrir norðurhluta austurbæjar við miðbæ. Tillagan var auglýst samkvæmt skipulagslögum þann 7. des. 2020 með athugasemdafresti til 18. jan. 2021. Þrjú bréf bárust.

Mætti íhuga að breyta nafni götunnar

Í athugasemdum bréfritara segir m.a að gert sé ráð fyrir að stærri byggingin muni rísa alveg við götuna (Sólhlíð). Það er því verið að reisa 9 metra háan vegg við götuna og um 50 metra langan. Mun þetta breyta götumyndinni mikið. Jafnvel mætti íhuga að breyta nafni götunnar.

Þá er bent á að áætlað byggingarmagn sé gífurlega mikið á ekki stærri lóð. Talað er um að byggingamagn sé svipað og við Sólhlíð 19, en það stenst engan veginn. Þar eru 12 litlar íbúðir og stærð hússins er um 800 fermetrar. Áætlað byggingarmagn við Sólhlíð 4 er aftur á móti 3.500 fermetrar og íbúðirnar þar verða 18-20 talsins. Í raun ætti frekar að bera byggingarmagn saman við sjúkrahúsið sem stendur við Sólhlíð 10, en það er um 4.200 fermetrar og stendur það á miklu stærri lóð.

Segja skipulagsskilmála ekki fullnægjandi

Þá er í öðru bréfi gerðar athugasemdir við skipulagsskilmála vegna flutnings húss sem nú stendur við Kirkjuveg 35. Til stendur, samkvæmt nýja skipulaginu að flytja það á Kirkjuveg 29.

Þar vilja bréfritarar meina að skilmálar fyrir lóðina séu alls ekki fullnægjandi. Það vanti t.d ákvæði um fjölda hæða, þakgerð, hvort gert sé ráð fyrir risi á húsinu og þá mænistefnu og mænishæð. Eiga að vera kvistir, hver er stærð þeirra og staðsetning. Þá er spurt hvort gert sé ráð fyrir kjallara.

Vill frekari frest fyrir athugasemdir og jafnvel kæru

Í þriðja bréfinu var svo óskað eftir að málinu yrði frestað svo að bréfritari hefði meiri tíma til að koma að frekari athugasemdum og jafnvel kæru á bæjaryfirvöld í framhaldi. Segir í bréfinu að það ráðist fljótlega eftir fund við bæjarstjórn og bæjarráð sem bréfritari hefur lengi óskað eftir.

Í afgreiðslu ráðsins segir að ráðið fresti afgreiðslu erindis og veitir frest til 8. febrúar til að skila inn athugasemdum. Skipulagsfulltrúa er falið að upplýsa bréfritara um bókun fundar.

 

Vilt þú ná til Eyjamanna?

17.Ágúst'19

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).