Efnilegir leikmenn semja við ÍBV

Fram kemur á vefsíðu ÍBV-íþróttafélags að þessir flottu peyjar hafi verið í lykilhlutverkum í 3. flokki í fyrra sem stóð sig með stakri prýði. Þeirra bíða nú verkefni með 2. flokki og mögulega KFS eða aðalliði ÍBV. 

„Það er gaman að sjá þann efnivið sem er í Eyjum og eru allir á 2. og 3. flokks aldri sem hafa áhuga á fótbolta hvattir til að mæta á æfingar og kynnast því metnaðarfulla starfi sem er í fótboltanum í Eyjum. Til hamingju með samningana strákar og áfram ÍBV!” segir enn fremur í fréttinni.