Blátindi fargað fáist samþykki Minjastofnunar

100 milljónir þarf til að koma Blátindi í sýningarhæft ástand :: Ekki er talið verjandi að eyða slíkri fjárhæð í endurbyggingu

20.Janúar'21 | 11:23
blatind_cr

Blátindur í stæði sínu á Skansinum. Ljósmynd/TMS

Á fundi framkvæmda- og hafnarráðs í gær var rætt um framtíð Blátinds VE sem sökk í Vestmannaeyjahöfn í febrúar sl.

Í fundargerð ráðsins segir að mikið tjón hafi orðið á Blátindi auk hefðbundins slits vegna aldurs og var sérfræðingur fenginn til að reyna að meta kostnað við endurbyggingu. Fram kom í mati hans að kostnaður við að koma Blátindi í sýningarhæft ástand sé ekki undir hundrað milljónum króna.

Tvö hundruð milljónir þarf til að gera bátinn siglingarhæfann

Mun dýrara mun vera að gera Blátind siglingarhæfann, er áætlað að sá kostnaður muni vera í kringum tvö hundruð milljónir króna. Verkið er sérhæft og efniviður dýr og illlfáanlegur og því er kostnaður mikill.

Kostnaður við að farga Blátindi er áætlaður um 5 milljónir króna. Allar ákvarðanir varðandi framtíð Blátinds eru háðar samþykki Minjastofnunar.

Í afgreiðslu ráðsins er Guðmundi Guðlaugssyni þakkað fyrir hans aðstoð við úttekt á MB. Blátindi VE 21.

Óska eftir afstöðu Minjastofnunar til förgunar

Ráðið samþykkir að fela framkvæmdastjóra að óska eftir afstöðu Minjastofnunar til förgunar á Blátindi þar sem kostnaður við endurgerð Blátinds er mjög mikill og ekki talið verjandi að eyða slíkri fjárhæð í endurbyggingu.

Stefán Óskar Jónasson, fulltrúi E-listans bókaði þar sem segir að undirritaður telji sig ekki getað tekið afstöðu í málinu að svo stöddu og þyrfti að hafa betri upplýsingar um hvað felist í þeim kostnaði og þeim endurbótum sem gera þarf á Blátindi skv. fyrirliggjandi skýrslu.

Ofangreint var samþykkt með fjórum atkvæðum. Einn var á móti.

Verkið sérhæft og efniviður í þetta verk dýr auk þess að vera illfáanlegur

Í skýrslu Guðmundar Guðlaugssonar sérfræðings, segir m.a að hans skoðun sé sú að ekki sé raunhæft að gera Blátind upp vegna gífurlegs kostnaðar.

„Nánast allt fyrir ofan dekkbita er ónýtt. Dekk þramir og meginþiljur eru ónýt, stýrishús með grind og innri klæðningu eru sömuleiðis ónýtt. Skansklæðning og lunning þyrftu að fara að stórum hluta, vegna lélegs ástands og svo hægt væri að kalfakta dekk og bita.

Það eru megin forsendur að dekk og lúkarskappi séu fullkomnlega þétt fyrir leka. Lúkar er það illa farin að gera þarf við hann að stórum hluta. Skipta þarf um styttur í bátnum að nokkrum hluta og gera við annað eins. Öldustokknum þarf að skipta út að stórum hluta, eins gæti þurft að gera við dekkbita. Lestarkarmi má sópa í burtu.

Mín skoðun er að verkið er svo sérhæft og efniviður í þetta verk svo dýr og líka illfáanlegur, að vegna lélegs ástands skipsins, myndi kostnaður við að koma því í sómasamlegt ástand, sem sýningabát, ekki vera undir 100.000.000.- að koma skipinu í haffært ástand mundi kosta helmingi meira.” segir í skýrslunni.

 

Vilt þú ná til Eyjamanna?

17.Ágúst'19

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).