30% fækkun farþega á milli ára

Að sögn Harðar Orra Grettissonar, framkvæmdastjóra Herjólfs ohf. flutti Herjólfur 247.555 farþega í fyrra, eða um 30% færri farþega en árið áður en þá voru farþegarnir 355.843.

Hörður Orri segir ljóst að áhrif covid-19 faraldursins hafi haft mikil áhrif á farþegatölur seinasta árs og eru áhrifin einkum þau hve mikið erlendum ferðamönnum fækkaði.

Aðspurður um farþegaáætlanir fyrir árið í ár segir Hörður að enn sé óvissan mikil. „Faraldurinn er ennþá á mikilli uppleið í löndunum í kringum okkur og alls óvíst hvenær þessu mun ljúka. Við höfum í okkar sviðsmyndagreiningum leyft okkur að vera frekar bjartsýn en jafnframt búið okkur undir það að þetta ástand geti varað lengur en við vonumst eftir.”

Samanburður farþega Herjólfs sl. tvö ár.