Gagnrýndi Herjólf ohf. fyrir að notast ekki við ráðningarskrifstofu

15.Desember'20 | 15:45
IMG_2048

Jóna Sigríður Guðmundsdóttir

Jóna Sigríður Guðmundsdóttir, bæjarfulltrúi H-listans skrifaði grein undir yfirskriftinni "Hulin ráðgáta" skömmu fyrir síðustu bæjarstjórnarkosningar. 

Þar fór Jóna Sigríður ítarlega yfir ráðningamál hjá Vestmannaeyjabæ, sem voru henni á þeim tíma hulin ráðgáta. Greinin vakti eðlilega töluverða athygli. Grípum niður í niðurlag hennar:

„Á bæjarstjórnarfundi 15. maí sl. var samþykkt að stofna opinbert hlutafélag, Herjólfur ohf., ásamt því að samþykkt var tilnefnd stjórn. Ég velti fyrir mér hvernig ráðningar á framkvæmdastjóra nýs félags muni vera háttað miðað við þau vinnubrögð sem hafa verið viðhöfð í öðrum ábygðarstörfum hjá Vestmannaeyjabæ. Mikilvægt er að við ráðningu framkvæmdastjóra Herjólfs ohf. verði notast við ráðningaskrifstofu í ljósi þess hversu ábyrgðafullt starfið mun vera miðað við þá mörgu óvissuþætti sem til staðar eru.

Til þess að markmið um ráðningamál í starfsmannastefnu Vestmannaeyjabæjar náist þarf að tryggja að unnið sé faglega. Samræma þarf vinnubrögð við ráðningu starfsmanna og hætta að vera með geðþóttaákvarðanir um öll störf. Verum fagleg og látum fagaðila sjá um ráðningaferli í stjórnunarstöður hjá Vestmannaeyjabæ. Gefum okkur þann tíma sem til þarf. Virkjum lýðræðið fyrir alla.” sagði í grein Jónu Sigríðar í maí 2018. 

Nokkrum dögum síðar var Jóna Sigríður kjörin í bæjarstjórn Vestmannaeyja.

Í lok síðustu viku tilkynnti stjórn Herjólfs um ráðningu nýs framkvæmdastjóra. 38 umsóknir bárust og rann umsóknarfresturinn út 5. desember. Sex dögum síðar var tilkynnt um ráðningu nýs framkvæmdastjóra og eins og sagði í tilkynningu stjórnar Herjólfs var það eftir mat á umsóknum, viðtöl við umsækjendur og eftir umsögnum aðila. 

Þá ákvað stjórnin að birta ekki lista yfir umsækjendur um starfið, og sagði í sömu tilkynningu að samkvæmt úrskurðum úrskurðarnefndar um upplýsingamál er opinberum hlutafélögum ekki skylt að veita aðgang að upplýsingum um nöfn umsækjenda um auglýst störf. 

Á þessu má ljóst vera að enn hefur bæjarfulltrúinn ekki náð að koma þessu baráttumáli sínu um fagleg vinnubrögð í ráðningum í gegn, þrátt fyrir að hafa setið í meirihluta bæjarstjórnar í á þriðja ár. 

Greinin frá 2018.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).