Mikið álag á hitaveitukerfið vegna kulda

Ívar Atlason, svæðisstjóri vatnssviðs HS-veitna í Vestmannaeyjum segir í samtali við Eyjar.net að hitaveitan sé alveg að ráða við þetta kuldakast eins og staðan er núna, þrátt fyrir mjög mikið álag. 

„Það er mikið álag á hitaveituna þessa stundina, með því mesta sem við höfum séð. Okkur gengur ágætlega að halda uppi þrýstingi á öllum stöðum í bænum. Við þurfum ekki að grípa til takmarkana. Að sjálfsögðu viljum við benda fólki á að koma í veg fyrir orkusóun, liður í því er að hafa alla glugga lokaða o.s.frv.” segir hann.

Þá biður Ívar húseigendur að hafa í huga að ef ofnakerfið/gólfhitakerfið er í lagi og rétt stillt, þá er hlýtt í húsum, ekki orkusóun í gangi og orkukostnaður í lágmarki.