Ljósin tendruð á jólatré á Stakkó

26.Nóvember'20 | 10:15
IMG_7444

Kveikt verður á jólatrénu á Stakkó laugardaginn 28. nóvember. Ljósmynd/TMS

Vegna takmarkana er ekki hægt að hafa hefðbundna athöfn við tendrun jólaljósanna á trénu okkar en að sjálfsögðu munum við gera þetta eins gleðilegt og aðstæður leyfa.

Kveikt verður á jólatrénu á Stakkó laugardaginn 28. nóvember kl 16:00 og verða upplýsingar varðandi útsendingu af viðburðinum birtar á vef Vestmannaeyjabæjar. Í tilkynningu frá Vestmannaeyjabæ segir að ekki sé ætlast til að fólk safnist saman á Stakkó meðan kveikt er á trénu.

Elís Jónsson, forseti bæjarstjórnar og sr. Viðar Stefánsson segja nokkur orð. Jarl og jólasveinarnir syngja jólalög.

Að endingu ætlar ungur drengur sem fæddur er á jóladag, Ívar Eydal Sigfússon að kveikja á ljósunum á trénu. Vestmannaeyjabær hvetur fólk til að horfa á athöfnina heima.

Flestar verslanir eru með opið til kl. 21:00 á föstudagskvöld og til kl. 16:00 á laugardag með afslætti vegna svarts föstudags. Skemmtilegt er að taka fjölskyldudag um helgina og skoða jólatréð og kíkja í búðir.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla. 

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.