Setur spurningamerki við lista SÍ

25.Nóvember'20 | 11:40
herjólfur_1120

Sjómannafélag Íslands hefur stefnt Herjólfi ohf. og sjómannafélaginu Jötni.

Líkt og greint var frá í gær var þingfest fyrir Félagsdómi mál Sjómannafélags Íslands (SÍ) fyrir hönd tiltekinna einstaklinga úr áhöfn Herjólfs gegn Samtökum atvinnulífsins, fyrir hönd Samtaka ferðaþjónustunnar, vegna Vestmannaeyjaferjunnar Herjólfs og sjómannafélagsins Jötuns.

Óvenjulegt er að stéttarfélag stefni öðru stéttarfélagi líkt og gerist í þessu tilviki. Fram kemur í stefnunni að aðalkrafa SÍ sé að kjarasamningur á milli Vestmannaeyjaferjunnar Herjólfs ohf. og Sjómannafélagsins Jötuns frá 12. febrúar 2020 verði dæmdur ógildur. Rökin fyrir þeirri kröfu eru fyrst og fremst þau að það komi fram í kjarasamningnum sjálfum að hann taki gildi 2 vikum eftir atkvæðisgreiðslu um hann en ekki sé vitað til þess að komið hafi til þeirrar atkvæðisgreiðslu. Búist er við að málið verði tekið fyrir í Félagsdómi í janúar 2021.

Sjá einnig: Herjólfi og Jötni stefnt

Kolbeinn Agnarsson, formaður Jötuns segir í samtali við Eyjar.net að rétt hafi verið staðið að samningsgerðinni í febrúar. Hann setur hins vegar spurningamerki við listann sem lagður er fram með stefnu SÍ nú. „Ég sé ekki betur en að á honum séu félagsmenn Jötuns, auk þess eru þarna aðilar sem ekki starfa hjá Herjólfi lengur.” segir Kolbeinn og veltir hann því upp hvort umræddir starfsmenn hafi greitt atkvæði um að stefna Herjólfi og Jötni nú. 

Jónas Garðarsson, formaður samninganefndar Sjómannafélags Íslands hefur ekki svarað fyrirspurn Eyjar.net vegna málsins. 

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Vilt þú ná til Eyjamanna?

17.Ágúst'19

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).