Herjólfi og Jötni stefnt

24.Nóvember'20 | 16:45
herjolfur_b

Herjólfur. Ljósmynd/TMS

Í dag var þingfest fyrir Félagsdómi mál Sjómannafélags Íslands fyrir hönd tiltekinna einstaklinga sem eru í áhöfn Herjólfs gegn Samtökum atvinnulífsins, fyrir hönd Samtaka ferðaþjónustunnar, vegna Vestmannaeyjaferjunnar Herjólfs og sjómannafélagsins Jötuns.

Aðalkrafa Sjómannafélagsins er að kjarasamningur á milli Vestmannaeyjaferjunnar Herjólfs ohf. og Sjómannafélagsins Jötuns frá 12. febrúar 2020 verði dæmdur ógildur. Rökin fyrir þeirri kröfu eru fyrst og fremst þau að það komi fram í kjarasamningnum sjálfum að hann taki gildi 2 vikum eftir atkvæðisgreiðslu um hann en ekki sé vitað til þess að komið hafi til þeirrar atkvæðisgreiðslu.  

Varakrafan er sú að tiltekið forgangsákvæði í kjarasamningi við Sjómannafélagið Jötunn verði dæmt ógilt og á þeirri forsendu að félagsmenn Sjómannafélags Íslands hafi ekki staðið að þessari breytingu og að Sjómannafélagið Jötunn geti ekki samið um starfskjör fyrir félagsmenn Sjómannafélags Íslands en að flestir starfsmenn um borð í Herjólfi hafi verið í Sjómannafélagi Íslands. 

Óvenjulegt er að stéttarfélag stefni öðru stéttarfélagi líkt og gerist í þessu tilviki. Á lista starfsfólks sem stefna Sjómannafélags Íslands er lögð fram fyrir eru 17 starfsmenn. Eyjar.net ræddi við nokkra þeirra sem vildu ekki tjá sig um málið.

Guðbjartur Ellert Jónsson, framkvæmdastjóri Herjólfs segir í samtali við Eyjar.net að þetta sé ótrúlegt upplegg Sjómannafélagsins. „Á sama tíma og verið sé að endurskipuleggja rekstur félagsins sem verið hefur mjög þungur og verið að ráða að nýju starfsmenn til framtíðar þá komi slík stefna fram.”

 

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).