Gul veðurviðvörun í gildi - Austan stormur

12.Nóvember'20 | 07:20

Skjáskot/vedur.is

Veðurstofa Íslands hefur gefið út gula viðvörun fyrir Suðurland frá klukkan 11:00 – 17:00 í dag. Í viðvöruninni segir að það verði austan hvassviðri eða stormur undir Eyjafjöllum.

Austan 18-23 m/s undir Eyjafjöllum með hviðum um 35 m/s, en hægari vindur annarsstaðar á spásvæðinu. Getur verið varsamt fyrir ökutæki sem eru viðkvæm fyrir vindi.

Veðurhorfur á landinu næstu daga

Á föstudag:
Norðan 10-15 m/s vestast á landinu, annars hægari austlæg átt. Slydda eða snjókoma á Vestfjörðum, rigning með köflum norðan- og austanlands, en annars þurrt að kalla. Hiti 0 til 6 stig.

Á laugardag:
Norðlæg eða breytileg átt, 5-10 m/s. Skýjað að mestu, en dálítil él með norðurströndinnni. Hiti 0 til 5 stig og vægt frost inn til landsins.

Á sunnudag:
Norðaustan og austanátt 5-13 m/s, en 10-15 á noðvestantil. Dálítil snjókoma á norðanverðu landinu, annars stöku skúr eða él. Hiti um og undir frostmarki.