30 milljónir í menntarannsókn

Vestmannaeyjabær mun greiða 1/3, allt að 10 milljónum

3.Nóvember'20 | 10:56
spaldtolvu_kennsla_grv_fb

Nemendur GRV í kennslustund. Ljósmynd/GRV

Fræðsluráð Vestmannaeyjabæjar fjallaði um þátttöku í menntarannsókn á fundi sínum í gær.

Í niðurstöðu ráðsins segir að það sé jákvætt að í GRV sé horft til þróunarstarfs með það að markmiði að bæta árangur nemenda og getur fræðsluráð fallist á kosti þess að það sé gert í samvinnu við háskólasamfélagið, m.a. með stuðningi og rannsókn á árangri. Áætlaður heildarkostnaður rannsóknarinnar gæti orðið allt að 30 milljónir og myndi Vestmannaeyjabær greiða 1/3, allt að 10 milljónum. Ráðið samþykkir fyrir sitt leyti þátttöku í umræddri menntarannsókn með fyrirvara um að fjármagn sé tryggt.

Styðja við áform skólans en segja kostnað varðandi verkefnið hafa verið á reiki

Í bókun frá fulltrúum Sjálfstæðisflokksins í ráðinu segir að mikil vinna hafi átt sér stað undanfarin ár varðandi lestur í sveitarfélaginu og ber þar að nefna mikið og gott starf í leikskólum og GRV þar sem unnið hefur verið eftir skýrum áherslum á lestur og stærðfræði skv. framtíðarsýn í menntamálum síðan 2015. Til að betri árangur náist þurfa allir að standa vel saman bæði fræðslukerfið, heimilin og samfélagið allt.

Það er jákvætt að finna fyrir því að GRV hefur metnað til að gera enn betur og sé áhugasamt fyrir því að taka þátt í verkefni sem þessu. Fræðslukerfið tekur til sín mikið fjármagn og er eðlilegt að þær áherslur og stefnur sem skólinn vill taka séu mótaðar af skólanum og í samráði við fagfólk innan þess ramma sem vinna á eftir.

Fulltrúar Sjálfstæðisflokksins styðja við áform skólans við að bæta enn frekar lestrarkennslu. Hins vegar hefur kostnaður og útfærsla varðandi greiðsluþátttöku sveitarfélagsins varðandi verkefnið verið á reiki og svör borist seint og illa, þar af leiðandi leggja fulltrúar Sjálfstæðisflokksins áherslu á að fá slíkt á hreint svo að til aukins kostnaðar komi ekki til."

Einstakt tækifæri fyrir GRV og Vestmannaeyjar að vera leiðandi í menntarannsóknum á Íslandi

Í bókun frá fulltrúum E og H lista segir að skólastjórnendur GRV og skólaskrifstofa hafi lýst yfir áhuga og tilbúin að styðja þróunarverkefnið og rannsóknina. Foreldrafélag GRV styður jafnframt þátttöku og ásamt því að kennarafélag GRV hefur áhuga. Meirihluti telur mikilvægt að leita allra leiða að sækja fram, tileinka sér og þróa leiðir sem geta styrkt, bætt líðan og getu nemenda í skólaumhverfinu. Umrædd menntarannsókn er einstakt tækifæri fyrir GRV og Vestmannaeyjar að vera leiðandi í menntarannsóknum á Íslandi."

Þróunarverkefni og menntarannsókn

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).