Covid: Staðan í Vestmannaeyjum er góð eins og er

29.Október'20 | 21:13
cov-19

Staðan í Vestmannaeyjum er góð eins og er. Á landsvísu er staðan hins vegar mjög slæm og er ekki að nást utan um faraldurinn.

Í dag birtust fréttir á bæjarmiðlunum þess efnis að einn aðili væri í einangrun og tveir væru í sóttkví í Vestmannaeyjum. Voru upplýsingarnar fengnar af vefsíðu Heilbrigðisstofnunar Suðurlands. 

Þess ber að geta að upplýsingar frá Heilbrigðisstofnun Suðurlands taka mið af skráningu einstaklinga á heilsugæslu en upplýsingar frá aðgerðastjórn miðast við búsetu í Vestmannaeyjum. Rétt er að enginn er í einangrun og einn er í sóttkví í Vestmannaeyjum. Fréttirnar hafa verið uppfærðar til samræmis við framangreint.

Staðan í Vestmannaeyjum er góð eins og er. Á landsvísu er staðan hins vegar mjög slæm og er ekki að nást utan um faraldurinn. Hópsmit hafa verið að koma upp og fer samfélagssmitum fjölgandi en smitin er nú einnig að dreifa sér út á landsbyggðina í meira mæli. Það er því gríðarlega mikilvægt að bæjarbúar verði áfram á varðbergi, gæti vel að smitvörnum og fylgi reglum þar um.

Einnig eru bæjarbúar hvattir til að halda sig heima, ferðast ekki að óþörfu og forðast hvers kyns hópamyndanir. Aðilum með flensueinkenni er bent á að halda sig heima og hafa samband við heilsugæsluna til meta þörf á sýnatöku.

Gangi ykkur vel, segir að endingu í tilkynningu aðgerðastjórnar,

Tags

COVID-19

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...