Saltfiskur frá Vinnslustöðinni í öndvegi portúgalskrar matarhátíðar

26.Október'20 | 14:55
saltfi_vsv_portugal_vsv_is

Ljósmynd/vsv.is

Saltfiskur frá Vinnslustöðinni er í hávegum hafður á mikilli matarhátíð sem stendur yfir í þremur héruðum Portúgals og varir til 22. nóvember. 

Aðstandendur hátíðarinnar, Gastronomia de Bordo, ákváðu að hafa setningarathöfnina í sölum Grupeixe, saltfiskfyrirtækis Vinnslustöðvarinnar í Portúgal – sem var auðvitað mikill heiður og viðburður. Þar mættu borgarstjórinn á staðnum, formaður borgarráðs, fleiri héraðshöfðingjar og aðrir gestir að ógleymdu fjölmiðlaliði sem gerði viðburðinum góð skil, að því er segir í frétt á vef Veinnslustöðvarinnar

Fyrir gestgjöfum fór Nuno Araújo, forstjóri Grupeixe, sem starfað hefur með miklum ágætum undanfarin ár í þágu VSV í Portúgal. Nuno kynnti gestunum starfsemina og þurfti ekki að kvarta yfir áhugaleysi þeirra. Jólahátíðin er nefnilega rétt handan horns og einmitt saltfiskurinn frá Íslandi er sá matur sem hæst er skrifaður og mest eftirsóttur til að bera á veisluborð jólanna um þvert og endilangt Portúgal.

Setningarathöfnin var bókstaflega römmuð inn með saltfiskstæðum og  allir viðstaddir voru grímuklæddir í sóttvarnaskyni eins og vera ber á kórónuveirutímum.

Fljúgandi markaðsstart í aðdraganda mikilvægasta tímabils ársins

Fjöldi veitingahúsa hefur sértilboð saltfiskrétta og annarra þorskrétta á matseðlum sínum um helgar fram eftir nóvember. Bók með uppskriftum fiskrétta eftir þekktan stjörnukokk var gefin út og ýmsir viðburðir eru á dagskrá þar sem fjallað er um portúgalskar matarhefðir tengdar þorski og hvernig þær hafa mótast í tímans rás.

Fram kemur í fréttinni að Evrópusambandið styrki þennan matarmenningarviðburð. Þá segir að óhætt sé að fullyrða að Grupiexe og Vinnslustöðin hafi fengið þarna fljúgandi markaðsstart í aðdraganda mikilvægasta tímabils ársins í kynningu og sölu á saltfiski.

Fleiri myndir frá hátíðinni má sjá hér.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.
 

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.