Skipalyftan Fyrirmyndarfyrirtæki sjöunda árið í röð

Samstillt átak starfsmanna og stjórnenda lykillinn að þessum árangri

24.Október'20 | 12:04
20201023_150515

Frá kaffisamætinu í gær. Ljósmyndir/TMS

Skipalyftan bauð starfsmönnum sínum til kaffisamsætis í gær í tilefni af því að fyrirtækið var útnefnt eitt af framúrskarandi fyrirtækjum landsins á rekstrarárinu 2019.  Skipalyftan hefur verið á lista yfir framúrskarandi fyrirtæki samfellt frá árinu 2014.

Stefán Örn Jónsson, framkvæmdastjóri Skipalyftunnar segir ekki sjálfgefið að komast í hóp framúrskarandi fyrirtækja. Einungis um 2% allra íslenskra fyrirtækja standa strangar kröfur sem gerðar eru til að komast í þennan úrvalsflokk fyrirtækja.

Stefán Örn segir slíkan árangur ekki nást nema með góðu starfsfólki. „Þetta er samstillt átak starfsmanna og stjórnenda fyrirtækisins sem skilar þessari viðurkenningu.” Hann vill koma á framfæri þakklæti til starfsmanna Skipalyftunnar.

Það að komast á lista fyrirmyndarfyrirtækja snýst í raun um stöðugleika í rekstri en ekki að ná góðum árangri í eitt og eitt ár. Stöðugur og góður árangur ár eftir ár telst framúrskarandi. Detti fyrirtæki út af listanum þarf það framúrskarandi rekstrarárangur þrjú næstu ár til að komast inn á listann á nýjan leik.

Standast þarf eftirfarandi kröfur til að teljast framúrskarandi 2020:

  • Fyrirtækið er í lánshæfisflokki 1, 2 eða 3.
  • Ársreikningi skilað lögum samkvæmt eigi síðar en átta mánuðum eftir uppgjörsdag.
  • Fyrirtækið er virkt samkvæmt skilgreiningu Creditinfo.
  • Framkvæmdastjóri skráður hjá ríkisskattstjóra.
  • Rekstrartekjur að minnsta kosti 50 milljónir króna síðustu þrjú ár.
  • Rekstrarhagnaður (EBIT) jákvæður síðustu þrjú ár.
  • Jákvæð rekstrarniðurstaða síðustu þrjú ár.
  • Eiginfjárhlutfall að minnsta kosti 20% síðustu þrjú ár.
  • Eignir að minnsta kosti 100 milljónir króna síðustu þrjú ár.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.
 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.