Menntastofnanir áberandi í vali á Stofnun ársins 2020

23.Október'20 | 16:47
framhal_skoli_20

Framhaldsskólinn í Vestmannaeyjum var í 1. sæti yfir Fyrirmyndastofnanir með 20-49 starfsmenn. Ljósmynd/TMS

Val á Stofnun ársins 2020 var kynnt á dögunum en könnun er gerð árlega hjá stofunum ríkis og sveitarfélaga og sjálfseignarstofnunum, þar sem lagt er mat á starfsumhverfi stofnana í opinberri þjónustu. Athygli vekur hversu margir skólar raða sér á topplista þessa árs.

Á lista yfir Fyrirmyndarstofnanir á vegum ríkisins eða sjálfseignarstofnana, með 50 starfsmenn eða fleiri, eru þrír framhaldsskólar; Fjölbrautaskólinn í Garðabæ vermir 2. sætið, Fjölbrautaskóli Norðurlands vestra 3. sætið og Menntaskólinn við Hamrahlíð það fimmta.

Á lista yfir slíkar Fyrirmyndastofnanir með 20-49 starfsmenn eru fjórir framhaldsskólar; Framhaldsskólinn í Vestmannaeyjum í 1. sæti, Menntaskólinn á Tröllaskaga í 2. sæti, Menntaskólinn á Laugarvatni í 3. sæti og Menntaskólinn á Egilstöðum í því fimmta, segir í frétt á vef Mennta- og menningarmálaráðuneytisins.

Þessu tengt: Framhaldsskólinn í Vestmannaeyjum hlýtur nafnbótina Stofnun ársins

Í flokki Fyrirmyndarstofnana sveitarfélaga með 50 starfsmenn eða fleiri eru menntastofnanir í öllum fimm efstu sætunum; Norðlingaskóli efstur, þá frístundamiðstöðvarnar Ársel, Tjörnin og Gufunesbær og svo Laugarnesskóli í fimmta sæti.

Til vitnis um þann kraft og samtakamátt sem einkennir íslenska menntakerfið

„Ég tel þennan árangur til vitnis um þann kraft og samtakamátt sem einkennir íslenska menntakerfið og samgleðst starfsfólki og stjórnendum þessara skóla með þennan árangur sem í mörgum tilfellum er viðvarandi milli ára. Það er gleðilegt að sá vitnisburð sem þennan um starfsánægju í íslenskum skólum,“ segir Lilja Alfreðsdóttir mennta- og menningarmálaráðherra.

Könnunin náði til um 12 þúsund starfsmanna í opinberri þjónustu og var unnin í samstarfi við fjármála- og efnahagsráðuneyti. Í könnuninni voru þátttakendur spurðir út í níu þætti í starfsumhverfinu þ.e. trúverðugleika stjórnenda, starfsanda, launakjör, vinnuskilyrði, sveigjanleika í starfi, sjálfstæði í starfi, ímynd stofnunar, ánægju og stolt og jafnrétti.

Markmiðið með útnefningu Stofnana ársins er að hvetja stjórnendur til að gera vel í starfsmannamálum og að auka umræðu um aðbúnað og líðan starfsmanna á vinnustöðum.

Tags

FÍV

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.