Deiliskipulag fyrir norðurhluta austurbæjar í vinnslu

21.Október'20 | 07:45
20201018_171247

Deiliskipulag fyrir norðurhluta austurbæjar er nú í vinnslu. Ljósmynd/TMS

Vestmannaeyjabær hefur um nokkurt skeið unnið að gerð deiliskipulags fyrir norðurhluta austurbæjar. Lögð voru fram ný drög að deiliskipulagi fyrir umrætt svæði á síðasta fundi umhverfis- og skipulagsráðs. 

Innan deiliskipulagssvæðis eru tveir landnotkunarreitir, íbúðarsvæðis ÍB-3 og miðsvæði M-1. 

Tillaga á vinnslustigi var kynnt 3.-28. apríl 2018. Athugasemdir og ábendingar bárust og gerðar voru breytingar á tillögu til að kynningu lokinni. Breytingar sem gerðar voru á tillögunni eru eftirfarandi:

▸ Byggingarreitur fyrir viðbyggingu við Kirkjuveg 23 er felldur út.

▸ Gert er ráð fyrir nýrri lóð, Kirkjuveg 27. Á lóðinni er gert ráð fyrir einbýlishúsi á einni hæð með kjallara og risi. Settir eru skilmálar um að nýbygging skuli vera í samræmi við nálæg hús t.a.m. hvað varðar hæð, efnisnotkun og byggingarstíl. Lóð Sólhlíðar 4 stækkar til vesturs og sameinast lóð Kirkjuvegar 35 og hluta lóða Kirkjuvegar 39A og 41 og Breiðabliksvegar 3, sem minnka sem því nemur.

▸ Byggingarreitur Sólhlíðar 4 breytist þannig að í stað einnar byggingar með með 10 meðalstórum íbúðum er gert ráð fyrir tveimur byggingum með 18 til 20 minni íbúðum. Byggingarlína við Sólhlíð er færð fremst í lóð til samræmis við byggingarlínu aðliggjandi húsa við Sólhlíð. Bílastæði eru færð inn á baklóð og gert er ráð fyrir bílakjallara sem tengir bæði húsin.

▸ Í vinnslutillögu er gert ráð fyrir að íbúðarhús við Kirkjuveg 35 verði flutt á lóð Kirkjuvegar 29 eða á nýja lóð Kirkjuveg 27, þar sem áður stóð einbýlishús á 2 hæðum með risi. Húsið við Kirkjuveg 35 var byggt árið 1906 og er því friðað. Sækja þarf um heimild Minjastofnunar fyrir flutningi hússins.

▸ Nýjir byggingarreitir fyrir Heimagötu 20 og Breiðabliksveg 1 detta út þar sem byggingaráform hafa þegar verið grenndarkynnt og bæði húsin byggð.

▸ Byggingarreitur fyrir viðbyggingu við Sólhlíð 17 er felldur út.

▸ Vegna ábendinga frá íbúum við Heimagötu um skort á bílastæðum í götu er gert ráð fyrir samnýtanlegum 8-10 bílastæðum á bæjarlandi við hlið Sólhlíðar 35.

▸ Lóðir Heimagötu 20 og Vestmannabrautar 5 stækka og fara fyrir vikið inn fyrir mörk deiliskipulags gosminja við Blátind frá 2005. Deiliskipulagsmörk tillögunnar breytast þannig að þau fylgja breyttum lóðamörkum. ▸ Deiliskipulagsmörk eru lagfærð að vestanverðu til samræmis við mörk deiliskipulags miðbæjarsvæðis.

▸ Í samræmi við umsögn Minjastofnunar var húsakönnun uppfærð og gerð ítarlegri.

▸ Í vinnslustillögu var í kafla 3.3.6. settir skilmálar um að hámarkshraði innan hverfis skyldi vera 30 km/klst. Með nýlegri lögreglusamþykkt verður hámarkhraði á Vestmannabraut (austurhluti), Heimagötu, Austurvegi, Fífilgötu og Sólhlíð 30 km/klst og er kafli 3.3.6 því tekinn út. 

Til kynningar er deiliskipulagsuppdráttur ásamt greinargerð dags. 12. okt. 2020

Skipulag í kynningu

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.