Bæjarráði falið að móta verklag til framtíðar er varðar íbúalýðræði, íbúafundi og íbúakosningar

16.Október'20 | 07:15
bæjarstj_0920_fund

Frá fundi bæjarstjórnar Vestmannaeyja. Ljósmynd/TMS

Á fundi bæjarstjórnar á miðvikudaginn var, var til umræðu og afgreiðslu tillaga um íbúakosningu vegna fjölgunar bæjarfulltrúa.

Í tillögu frá fulltrúum Sjálfstæðisflokks sagði að í nýrri bæjarmálasamþykkt sem bíður útgáfu stjórnartíðinda er kveðið á um fjölgun bæjarfulltrúa í Vestmannaeyjum, þar er einnig kafli um íbúalýðræði og íbúakosningar.

Sjá einnig: Upptaka frá fundi bæjarstjórnar

Lagt er til að fram fari íbúakosning um fjölgun bæjarfulltrúa og lýstu bæjarfulltrúa vilja sínum um að það yrði gert á bæjarstjórnarfundi 17.09.2020.
Lagt er til að bæjarráð útfæri framkvæmd íbúakosningu um fjölgun bæjarfulltrúa nánar, samkvæmt lögum og reglum um íbúakosningar, og leggur tillögu að framkvæmd fyrir bæjarstjórn til samþykktar eigi síðar en á bæjarstjórnarfundi sem áætlaður er þann 3. desember næstkomandi.

Breytingartillaga frá fulltrúa E lista

Í breytingartillögu frá fulltrúa Eyjalistans í bæjarstjórn segir að bæjarstjórn samþykki að fela bæjarráði að móta verklag til framtíðar er varðar íbúalýðræði, íbúafundi og íbúakosningar. Bæjarráð skili til bæjarstjórnar tillögum um þau málefni sem koma til kasta bæjarstjórnar og eru vel til þess fallin að kanna hug bæjarbúa til þeirra.

Til hliðsjónar þessari vinnu skal bæjarráð ræða möguleika á því að kanna hug bæjarbúa m.a. til fjölgunar bæjarfulltrúa sbr. nýsamþykkta bæjarmálasamþykkt Vestmannaeyjabæjar, framtíð M/b Blátinds auk annarra málefna sem bæjarráð telur til þess fallin að fari í slíkan farveg.

Bæjarráð skal skila minnisblaði þess efnis til bæjarstjórnar eigi síðar en í desember.

Breytingartillaga frá fulltrúum D lista við breytingartillögu frá fulltrúa E lista

Þá kom fram breytingartillaga frá fulltrúum D lista við breytingartillögu frá fulltrúa E lista. Þar segir að bæjarstjórn samþykki að fela bæjarráði að móta verklag til framtíðar er varðar íbúalýðræði, íbúafundi og íbúakosningar. Bæjarráð skili bæjasrstjórnar tillögu um þau málefni sem koma til kasta bæjarstjórnar og eru vel til þess fallin að kanna hug bæjarbúa til þeirra. Samhliða þessari vinnu skal bæjarráð útfæra íbúakosningu vegna fjölgunar bæjarfulltrúa sbr. nýsamþykkta bæjarmálasamþykkt Vestmannaeyjabæjar og mögulega framtíð M/B Blátinds, auk annarra málefna sem bæjarráð telur til þess fallin að fari í slíkan farveg. Bæjarráð skal skila minnisblaði þess efnis til bæjarstjórnar og eigi síðar en í desember.

Breytingartillaga fulltrúa E lista samþykkt samhljóða

Breytingartillögu frá fulltrúum D lista við breytingartillögu frá fulltrúa E lista, var hafnað með fjórum atkvæðum E og H lista gegn þremur atkvæðum D lista.

Breytingartillaga fulltrúa E lista við tillögu D lista var samþykkt með sjö samhljóða atkvæðum.

Munu fylgja málinu eftir

Í kjölfarið bókaði minnihlutinn þar sem segir að bæjarfulltrúar Sjálfstæðisflokksins samþykki þessa breytingartillögu en þykir miður að meirihluti bæjarstjórnar geti ekki slegið því föstu að efna eigi til íbúakosningar um fjölgun bæjarfulltrúa. Bæjarfulltrúar Sjálfstæðisflokksins munu fylgja málinu eftir.
 

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.