Isavia segir upp öllum starfsmönnum flugvallarins í Eyjum

Þetta staðfesti Ingibergur Einarsson, rekstrarstjóri flugvallarins í Vestmannaeyjum í samtali við Eyjar.net. Eins og kunnugt er hætti flugfélagið Ernir áætlunarflugi milli lands og Eyja í byrjun þessarar mánaðar.

Starfsmennirnir sem sagt var upp í dag eru ýmist með þrjá og upp í sex mánaða uppsagnarfrest. Samkvæmt heimildum Eyjar.net á að ræða við starfsmennina um að ráða þá aftur og þá í skertu starfshlutfalli.

Ekki þarf að fjölyrða um hvað þetta þýðir fyrir byggðarlagið ef að þjónusta flugvallarins skerðist enn. Samfélagi sem á allt sitt undir er kemur að flutningum sjúklinga til höfuðborgarinnar. Þyngstu mánuðirnir í sjúkrafluginu milli lands og Eyja eru einmitt október - nóvember og mars - apríl.