Myndaveisla í makríl og síldinni heilsað

18.September'20 | 22:02
11 VSV-d2.-21681

Ljósmyndir/vsv.is

„Kap VE landaði fyrstu síld vertíðarinnar miðvikudaginn 16. september og er farin á ný til veiða fyrir austan. Núna erum við að vinna síldarfarm úr Ísleifi VE. Lokalöndun makrílvertíðarinnar var 7. september úr Ísleifi, síðan tók síldin við,“ 

Þetta segir Benoný Þórisson, framleiðslustjóri uppsjávarsviðs Vinnslustöðvarinnar, í viðtali við vef fyrirtækisins - vsv.is.

Makríllinn hefur ekki verið kvaddur formlega í ár en meiri líkur en minni eru á því að vertíðinni sé lokið, vertíð sem var í hæsta máta óvenjuleg. Vinnslustöðin tók á móti um 19 þúsund tonnum, mun meiru en nokkru sinni áður. Í fyrra tók fyrirtækið á móti um 15 þúsund tonnum og áður 10-11 þúsund tonnum á vertíð eða jafnvel innan við það.

Tveggja sólarhringa sigling hvora leið

„Við fylgjumst vel með gangi mála hjá Rússum, Færeyingum og Norðmönnum. Þeir fá engan makríl sem stendur en ef okkur sýnist von um veiði förum við af stað á ný, engin spurning um það,“ segir Sindri Viðarsson, sviðsstjóri uppsjávarsviðs Vinnslustöðvarinnar.

„Makrílvertíðin í ár var löng. Hún fór vel af stað við Eyjar en svo hvarf fiskurinn á heimamiðum og strax í ágúst urðum við að elta hann norður í Smugu, sem þýðir tveggja sólarhringa siglingu hvora leið. Þetta er augljóslega mun dýrari útgerð en ef fiskurinn hefði haldið sig lengur í íslenskri lögsögu og ástand makrílsins sem hráefnis var að auki lakara en var við Eyjar í sumar.“

Snúin staða í augnablikinu

Sigurgeir B. Kristgeirsson, framkvæmdastjóri Vinnslustöðvarinnar, vék að þessari hlið makrílvertíðarinnar í Fréttblaðsviðtali síðastliðinn miðvikudag, 16. september. Blaðið hafði þá eftir honum:

„Það hefur verið erfið vertíð vegna þess að við höfum þurft að sækja fiskinn langt. Fiskurinn er að fitna, laus í sér og viðkvæmur í vinnslu og ekki sérlega góður matfiskur í því ástandi. Því miður er makríllinn í sumar ekki af sömu gæðum og undanfarin ár. Það er erfitt að tryggja gæði aflans þegar náttúrulegt ástand hans er ekki gott og svo bætist við að það þarf að sigla með hann svona langt til hafnar. [...]

Með þessum löngu siglingum með aflann til hafnar verður afleiðingin sú að minni hluti makrílsins er seldur á hæsta verðinu og til manneldis en áður. Þetta er því snúin staða í augnablikinu.“

Myndaveisla í markrílnum

Að endingu segir í fréttinni að hvort sem nú makríllinn gefi sig á ný í ár eður ei er við hæfi að að líta nú um öxl og bregða upp svipmyndum af starfsmönnum okkar fínu og flottu í júlí. Hreinn Magnússon var á ferð og tók meðfylgjandi myndir.

Fleiri myndir má sjá hér.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.
 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.