Kvittað undir samning um tilraunaverkefni er lýtur að velferð og högum barna

með áherslu á vernd barna sem búið hafa við ofbeldi á heimili

17.September'20 | 11:36
IMG_4269

Áslaug Arna Sigurbjörnsdóttir, dómsmálaráðherra, Arndís Soffía Sigurðardóttir, sýslumaður í Vestmannaeyjum og Ásmundur Einar Daðason, félags-og barnamálaráðherra fyrir utan Landlyst.

Í dag var undirritaður í Landlyst samningur Sýslumannsins í Vestmannaeyjum, dómsmálaráðherra og félagsmálaráðherra þar sem sýslumannsembættinu í Eyjum er falið að stýra tilraunaverkefni.

Tilraunaverkefnið felur í sér að efla og þróa samvinnu sýslumanna, lögreglu, félagsþjónustu og barnaverndar í málum er lúta að velferð og högum barna, með áherslu á vernd barna sem búið hafa við ofbeldi á heimili. 

Það voru Ásmundur Einar Daðason, félags-og barnamálaráðherra, Áslaug Arna Sigurbjörnsdóttir, dómsmálaráðherra og Arndís Soffía Sigurðardóttir, sýslumaður í Vestmannaeyjum sem skrifuðu undir samninginn.

Verkefnið er ein af sjö megintillögum aðgerðateymis gegn ofbeldi sem skipað var í maí af Ásmundi Einari og Áslaugu Örnu. Aðgerðateymið skipa Eygló Harðardóttir og Sigríður Björk Guðjónsdóttir ríkislögreglustjóri.

Arndís Soffía Sigurðardóttir, sýslumaður í Vestmannaeyjum,  stýrir verkefninu og Arndís Bára Ingimarsdóttir settur lögreglustjóri og Guðrún Jónsdóttir félagsráðgjafi starfa með henni að verkefninu.

Vinnunni er ætlað að bæta verklag og þjónustu gagnvart börnum sem hafa búið við ofbeldi á heimilum sínum. Covid-19 faraldurinn leggst þungt á samfélög og getur falið í sér alvarlega félagslega einangrun. Tölfræði ríkislögreglustjóra á landsvísu sýnir að heimilisofbeldismál jukust um 10% á meðan aðgerðir vegna faraldursins stóðu sem hæst og sömuleiðis fjölgaði tilkynningum til barnaverndar á landsvísu og fleiri börn en áður hringdu sjálf til að greina frá slæmum aðbúnaði sínum.

Liður í tilraunaverkefninu er að kalla fagfólk saman á ráðstefnu til Vestmannaeyja, hlýða á erindi og skapa umræður um það sem betur geti farið í verkferlum og samskiptum á milli umræddra stofna ríkis og sveitarfélaga í þágu barna. 

Þjóðhátíðartjald til sölu

16.Október'20

Er með til sölu þjóðhátíðartjald með innbúi. Þrír bekkir, kommóða og borð fylgir með, auk skrauts. Verð 300.000,- Nánari upplýsingar veitir Viktor í síma 845-0533.  

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.
 

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%