Áfalla– og sálfræðimiðstöðin opnar útibú í Eyjum

10.September'20 | 12:00
Ragnheiður-nota[1]

Ragnheiður Helga Sæmundsdóttir

Ragnheiður Helga Sæmundsdóttir, sálfræðingur, hóf á dögunum samstarf um nýja þjónustu í Vestmannaeyjum. Hún hefur starfað í tæp tvö ár hjá Vestmannaeyjabæ og mun gegna því starfi áfram samhliða nýja starfinu.

Eyjar.net ræddi við Ragnheiði Helgu og Sjöfn Evertsdóttir, en hún er sálfræðingur og sérfræðingur í klínískri sálfræði auk þess að gegna stöðu framkvæmdarstjóra Áfalla- og sálfræðimiðstöðvarinnar.

Strax spennt fyrir hugmyndinni um að opna ÁSM-útibú í Eyjum

Ragnheiður segir í samtali við Eyjar.net að þessi nýja þjónusta sé í raun viðbót við þá geðheilbrigðisþjónustu sem þegar er til staðar í Eyjum. „Áfalla– og sálfræðimiðstöðin, sem er í Kópavogi, er sem sagt að fara af stað með rekstur á sálfræðiþjónustu í Vestmannaeyjum. Ég hafði upphaflega samband við Sjöfn og bar upp þessa hugmynd og hún var ekki lengi að stökkva á vagninn og nú er búið að opna ,,Eyja-útibú“.”

Sjöfn segir að hún hafi strax verið mjög spennt fyrir samstarfi við Ragnheiði.

„Við höfum í gegnum árin fengið fyrirspurnir frá fólki út á landi um möguleika á þjónustu, en höfum hingað til einungis getað boðið upp á fjarþjónustu. Við vorum því strax spennt fyrir hugmyndinni um að opna ÁSM-útibú í Eyjum, með Ragnheiði í forsvari. Mér vitandi hefur bara ein stofa á höfuðborgarsvæðinu haft útibú á landsbyggðinni áður, þó einhverjar stofur hafi verið í samstarfi við sálfræðinga á öðrum stöðum, svo við erum spennt fyrir þessari þróun.” segir Sjöfn 

Hefur gott bakland í samvinnu við fagaðila ÁSM í Hamraborg

Aðspurð um hvort hún hafi fundið fyrir í sínu starfi að eftirspurn sé eftir slíkri þjónustu hér í Eyjum, segir Ragnheiður að hún hafi fundið það vel.

„Þeir aðilar sem sinna þjónustu á þessu sviði eru hlaðnir verkefnum, hér alveg eins og annarsstaðar. Vonin er auðvitað sú að þetta muni reynast þjónustubót fyrir okkur hérna í Eyjum.”

„Ég get tekið undir það” segir Sjöfn. „Þörfin er svipuð allstaðar á landinu og því ánægjulegt að geta komið að aukinni þjónustu í Eyjum. Hjá Áfalla- og sálfræðimiðstöðinni (ÁSM) starfar þverfaglegur hópur með víðtæka menntun bæði í sálfræði, félags- og fjölskylduráðgjöf og hjúkrunarfræði. Lögð er áhersla á árangursríka og gagnreynda meðferð og sinnum við meðal annar mati, greiningu og meðferð mismunandi sálræns, félagslegs og taugasálfræðilegs vanda ásamt því að veita einstaklingum og fyrirtækjum handleiðslu og ráðgjöf. Ragnheiður mun því hafa gott bakland í samvinnu við fagaðila ÁSM í Hamraborg og er það von okkar að sú þjónusta sem ÁSM býður upp á verði góð viðbót við það sem þegar er í boði í Eyjum.” 

Hvar er stofan til húsa?

ÁSM í Eyjum er staðsett á sjúkrahúsinu, uppi á þriðju hæð.

Hvar getur fólk pantað tíma?

Ragnheiður segir að það sé hægt að senda tölvupóst til hennar (ragnheidur@asm.is) eða hafa samband við Áfalla –og sálfræðimiðstöðina í síma 517-1718 eða mottaka@asm.is. Allar frekari upplýsingar um stofuna og þjónustuna má finna á heimasíðunni www.asm.is

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.
 

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%