Þurfa 10 milljónir á mánuði til að geta haldið úti Eyjaflugi

Hörður Guðmundsson, forstjóri Ernis segir í samtali við Eyjar.net að flugleiðin hafi ekki borið sig í töluvert langan tíma. ,,Það er alveg ljóst að meira þarf til en bara skosku leiðina til að hefja aftur flug til Eyja.” segir hann.

Skuggalegir skattar á grein sem berst í bökkum

Aðspurður um hvað skattarnir séu á flugið segir hann að þegar allt sé tiltekið hafi þeir verið að greiða að meðaltali 8.389 krónur af hverjum seldum miða í fyrra í skatta. ,,Þetta eru náttúrulega skuggalegir skattar á grein sem berst í bökkum” segir Hörður.

Hann segir að í fyrra hafi fyrirtækið greitt ríkisfyrirtækinu Isavia yfir 100 milljónir. ,,Inn í því er afskaplega lítil þjónusta.” segir hann.

En hvað þarf háan ríkisstyrk á flugleiðina til Eyja?

10 milljónir á mánuði. Það eru í raun smámunir miðað við það sem sett er í samgöngur um allt land. Og þegar talað er um að ekki sé hægt að ríkisstyrkja þvær leiðir á sama stað þá má benda á að t.d á Hornafjörð er bæði greitt með flugi og Strætó, segir Hörður að endingu.