"Sleginn yfir þessum fréttum"

1.September'20 | 21:05
nr_1119

Njáll Ragnarsson

„Maður er náttúrulega sleginn yfir þessum fréttum, það er ekki hægt að neita því. Þetta kemur ofan á allt annað sem er að gerast í samgöngumálum okkar og er náttúrulega grafalvarlegt.”

Þetta segir Njáll Ragnarsson, formaður bæjarráðs Vestmannaeyja aðspurður um viðbrögð vegna tíðinda dagsins um að Flugfélagið Ernir hyggðist hætta að fljúga til Vestmannaeyja á næstkomandi föstudag. 

„Ég hef bundið vonir við skosku leiðina í flugsamgöngum og trúi því að það gæti glætt innanlandsflugið lífi og gert það hagkvæmara fyrir almenning. En svo koma þessi tíðindi og maður er bara kjaftstopp.” segir Njáll.

Þessu tengt: Flugfélagið Ernir hættir flugi til Vestmannaeyja

Hann segir það alveg ljóst að verkefnið framundan sé að taka upp samtal við flugfélögin um það hvernig og þá með hvaða hætti hægt sé að halda úti flugsamgöngum við Vestmannaeyjar. „Það er alveg ljóst að flug til og frá Eyjum er samfélaginu mikilvægt, bæði íbúum og atvinnulífi. Og við þurfum að gera allt sem við getum til að bregðast við þessari stöðu.” 

 

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...