Fréttatilkynning:

Pysjueftirlitið 2020

12.Ágúst'20 | 06:53
pysja

Von er á fjölda lundapysja í bænum okkar á næstu vikum.

Margt er nú á annan veg í samfélaginu en áður, vegna Covid 19 og aðgerða til að sporna gegn útbreiðslu veirunnar.

Lundapysjur láta slíkt ekkert á sig fá og næstu vikur eigum við von á fjölda lundapysja í bænum okkar og fjölda björgunarfólks sem kemur þeim til hjálpar.

Undanfarin 17 ár hefur verið starfrækt hið svokallaða pysjueftirlit, þar sem þeir sem finna pysjur í bænum koma með þær til okkar í vigtun og vængmælingu áður þeim er sleppt á haf út.  Núna eru breyttir tímar með samkomutakmörkunum. Við getum ekki tryggt tveggja metra regluna við pysjueftirlitið og til að vernda bæði pysjubjörgunarfólk og starfsmenn, getur pysjueftirlitið ekki farið fram með óbreyttu sniði að þessu sinni.  

Upplýsingarnar sem hafa fengist með eftirlitinu eru mjög mikilvægar og því viljum við biðla til bæjarbúa og annarra sem hingað koma í pysjuleit að senda okkur upplýsingar um pysjurnar sem finnast og þannig tryggja að sem bestar upplýsingar fáist um fjölda og ástand pysja á því undarlega ári 2020.

Á vefsíðunni www.lundi.is verður skráningarblað þar sem hægt er að setja inn fjölda pysja, þyngd, funndarstaði og nöfn finnenda. Einnig verður hægt að hlaða niður myndum með hverri skráningu. Kannski hafa ekki allir tíma eða aðstöðu til að vigta pysjurnar, en í þeim tilvikum er þó gott að fá hinar upplýsingarnar. Það er þó auðvelt að koma upp aðstöðu fyrir pysjuvigtun og erum við sjálf að notast við einfalda eldhúsvog og plastskál við vigtunina.

Vonandi gengur þetta vel og sem flestir taki þátt. Þannig getum við  fengið þær upplýsingar sem skipta mestu máli og pysjueftirlitið haldið áfram óslitið.

Áfram verður þó tekið á móti pysjum sem þurfa sérstaka aðhlynningu í afgreiðslu Sea Life Trust að Ægisgötu 2. Þar erum við að tala um litlar og dúnaðar pysjur, olíublautar, slasaðar og aðrar sem þurfa sérstaka umönnun.

Við erum öll almannavarnir og við erum öll í pysjueftirlitinu !

 

(Vakin er athygli bæjarbúa á að enn er verið að vinna við uppsetningu á skráningarblaðinu á lundi.is og því ekki hægt að skrá pysjur þar alveg strax, en það ætti að vera komið í lag eftir nokkra daga. Fram að því má koma með pysjur í afgreiðslu Sea Life Trust.)

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).