200 farþega hámark í Herjólf

9.Ágúst'20 | 21:30
grimur_herj

Allir farþegar Herjólfs verða að vera með andlitsgrímur. Ljósmynd/TMS

„Við erum með bókunarkerfið stillt á 200 farþega og er það gert til að tryggja 2ja metra viðmiðið um borð í ferjunni. Vissulega eru allir farþegar með andlitsgrímur en þær einar og sér heimila okkur ekki að takmarka fjarlægð milli einstaklinga.”

Þetta segir Guðbjartur Ellert Jónsson, framkvæmdastjóri Herjólfs í samtali við Eyjar.net aðspurður um hvort búið væri að færa farþegafjölda ferjunnar niður vegna kórónuveirunnar.

Þurfa hugsanlega að takmarka fjölda farþega enn frekar

Guðbjartur segir að farþegarýmið á 4. hæð ráði við um 150 til 170 farþega fyrir utan útisvæðið. „Reglur sem gefnar hafa verið út og eiga að takmarka mögulegar smitleiðir eru settar í fyrirrúmi hjá okkur. Við gerum ráð fyrir að fjölskyldur ferðist með okkur að jafnaði sem gefur eitthvað aukið svigrúm og því erum við með 200 farþega hámarkið í gildi núna. Ef það reynist ekki nóg munum við takmarka fjölda farþega enn frekar.”

Þurfum að halda þessari þjóðleið gangandi

„Við erum að glíma við vá sem við þekkjum ekki né heldur vitum við hvað þetta ástand mun vara lengi. Það er engu að síður mikilvægt fyrir okkur að tryggja órofnar og tryggar samgöngur á milli Eyja og lands.” segir Guðbjartur.

Hann segir tímann verða svolítið að leiða það í ljós hvernig þessi mál þróast. „Okkar hlutverk er skýrt, við þurfum að halda þessari þjóðleið gangandi fyrir alla sem þurfa að nota hana.”
 

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).