Kanna betur útbreiðsluna í Vestmannaeyjum

7.Ágúst'20 | 17:27
cov-19

Að minnsta kosti sex þeirra sem sýktust eru á höfuðborgarsvæðinu voru í Vestmannaeyjum um verslunarmannahelgina

Þórólfur Guðnason, sóttvarnalæknir sagði það áhyggjuefni hversu mikið tilfellum hefur fjölgað. Hann sagði jafnframt á upplýsingafundinum fyrr í dag að faraldurinn sem nú sé í gangi sé í vexti. 

„Við erum að sjá aukningu á tilfellum á víð og dreif. Þegar þeir sem greindust í gær kemur í ljós að að minnsta kosti sex þeirra sem eru á höfuðborgarsvæðinu voru í Vestmannaeyjum um verslunarmannahelgina. Það sér ekki fyrir endann á þessari hópsýkingu sem tengist Vestmannaeyjum. Ekki ólíklegt að fleiri séu smitaðir. Fjöldi hefur þurft að fara í sóttkví.”

Fram kemur í umfjöllun Vísis í dag að ráðist verði í skimun í Eyjum, ekki ósvipaða þeirri og fór fram á Akranesi um liðna helgi, enda hafa Eyjamenn slæma reynslu af þessari sýkingu frá því í vetur.

Aðgerðastjórn í Vestmannaeyjum var virkjuð í morgun eftir að 48 Eyjamenn voru settir í sóttkví. Þó hefur ekkert smit ennþá verið staðfest í Eyjum.

Jóhann Björn Skúlason, yfirmaður smitrakningarteymis almannavarna, sagði á fundi dagsins að þeir sex einstaklingar sem taldir eru hafa smitast í Vestmannaeyjum tengist. Í einhverjum tilfellum séu tengslin alveg skýr. Ekki sé þó hægt að rekja smit þeirra til einhvers ákveðins staðar, smitrakningin sem standi yfir einblíni á þá staði sem hin smituðu heimsóttu og þá einstaklinga sem voru í grennd við þau.

Þórólfur segir að nú sé að fara af stað skimum í Vestmannaeyjum. Svipuð skimun fór fram á Akranesi um helgina þegar 612 voru skimuð fyrir veirunni vegna hópsýkingar þar. Enginn smit greindust í þeirri skimun. „Það er verið að gera mjög mikið til þess að kanna útbreiðsluna í Vestmannaeyjum. Þau hafa náttúrulega slæma reynslu af þessari sýkingu frá því fyrr í vetur,“ sagði Þórólfur.

Frétt Vísis.

 

Tags

COVID-19

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla. 

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.
 

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.