Tæplega 63 þúsund farþegar með Herjólfi í júlí

Guðbjartur Ellert Jónsson, framkvæmdastjóri Herjólfs ohf. segir í samtali við Eyjar.net að með ferjunni hafi farið 62.727 farþegar í síðasta mánuði. 

Til samanburðar má sjá að árið á undan voru fluttir 73.374 farþegar á milli lands og Eyja. Árið 2018 fóru 67.946 með ferjunni í júlí. Árið 2017 voru þeir 71.998, en metárið er 2016. Þá voru farþegar Herjólfs 79.102 í júlí.

Þessu tengt: Rúmlega 48 þúsund farþegar ferðuðust með Herjólfi í júní

Rétt er að geta þess að mestu munar um að í ár var engin Þjóðhátíð sem að hefur töluvert um það að segja hversu mikið færri voru á ferð milli lands og Eyja í ár. Þá hefur kórónuveirufaraldurinn einnig sitt að segja og þær hertu aðgerðir sem tóku í gildi í síðustu viku.