Breyttar heimsóknarreglur á Hraunbúðum

30.Júlí'20 | 14:22
hraunbud_skilti

Hraunbúðir. Ljósmynd/TMS

Í ljósi nýjustu frétta um fjölgun innanlandssmita Covid-19 hefur verið ákveðið að grípa til hertari ráðstafana á hjúkrunar- og dvalarheimilinu Hraunbúðum.

Settar eru takmarkanir á fjölda heimsókna á heimilið en einnig er haldið áfram með þær reglur sem fyrir voru í gildi. Ítrekað er að gestir taki þær alvarlega. Frá þessu er greint á vef Hraunbúða. Þar segir jafnframt að við séum í þessu saman og með þessum aðgerðum er líkurnar minnkaðar á því að smit berist inn á heimilið. Líkurnar minnka í hlutfalli við þann fjölda sem kemur inn á heimilið. Sem áður verða reglur endurskoðaðar út frá tilmælum sóttvarnaryfirvalda.

Að hámarki mega 1-2 aðstandendur heimsækja hvern íbúa í einu á hverjum degi. Undanþága er aðeins veitt ef um mikil veikindi er að ræða en þá þarf að fá leyfi frá hjúkrunarforstjóra eða deildarstjóra hjúkrunar. Fjölskyldur þurfa sjálfar að koma sér saman um hver það er sem kemur.

  • Gestir þurfa að skrá nafn sitt í gestabók við inngang
  • Þvo þarf hendur þegar komið er í hús og spritta og sinna persónlegu hreinlæti
  • Heimsóknir skulu fara fram á einkarými íbúa eða utanhúss, halda skal fjarlægð við aðra íbúa en sinn eigin aðstandanda og passa upp á að snertifletir sé sem fæstir.  Þetta þýðir m.a að gestir skulu ekki stoppa við í setustofu eða matsal Hraunbúða heldur fara beint inn á herbergi íbúa. 
  • 2. metra reglan er í gildi hvað varðar alla aðra en þann aðstandenda sem heimsóttur er en þá er það valkvætt.  Þetta gildir bæði hvað varðar starfsfólk Hraunbúða og annað heimilisfólk.
  • Heimsóknir eru heimilaðar á tímabilinu 13-17:30 

Áfram gilda einnig eftirfarandi reglur:

Að gestir:

  • Komi EKKI í heimsókn til íbúa í 14 daga frá komu til landsins.
  • Komi EKKI í heimsókn ef minnstu einkenni um kvef, flensulík einkenni, magakveisu, höfuðverk , beinverki eða slappleika eru til staðar.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...